Mobombami (réfugié) aza nani?
Pona Mbulamatali ya Kanada oza Mobombami soki oza en sékirité na mboka na yo te. Soki ozongi mboka na yo, ozo risquer basala yo mabe, to pe ba kanga yo pona boyambi na yo. Esengeli na yo kofanda esika mosusu.
Kosenga bobateli ya mobombami na Kanada ebengami na bosengi ya ebombamelo. Ata soki ba salaki yo mabe na mboka na yo to soki mboka ango ezali mabe, ba koki ko pimela yo bosémbo yakotikala na Kanada. Esengeli na yo olakisa ete ozali Mobombami ya Bobembani to pe Mutu oyo aza na posa ya Bobateli.
Mobombami ya Bobembani
Pona kozala Mobombami ya Bobembani, esengeli ete maloba motoba oyo ezala bosolo po na yo:
- Soki nazongi na mboka na nga, ba ko niokola ngai.
- Bako niokola ngao pona oyo nazali to pona boyambi na ngai.
- Naza pena na bomo ya ko zonga kuna.
- Naza na tina kobanga makasi ya kofanda na mboka na ngai.
- Mbulamatali na ngai ekoki ko batela ngai te.
- Nakoki kofanda na kimia te na etando mobimba ya mboka na ngai.
Mutu oyo aza na posa ya Bobateli
Pona kozala ‘mutu oyo aza na posa ya ebombami’, esengeli olakisa ete 1 to 2 eza ya solo:
1. Soki nazongi na mboka na ngai, batu oyo baza na pouvoir bako torturer ngai.
TO PE
2. Soki nazongi na mnoka na ngai, nakoki kokufa to likambo ya mabe ekoki ko komela nga,
PE
- Mbulamatali na nga ekoki ko batela nga te,
- Nakoki kofanda na kimia to na ndenge ya malamu te na ekólo mosusu ya mboka,
- Naza na danger oyo batu nionso te baza nagno na mboka na ngai.
- Naza na danger te po kaka na salaki mabe, oyo ezali considéré na Kanada lokola bobé (crime), pe
- Naza danger te po kaka système ya ekolongoneli (santé) ya mboka na nga eza mabe.
Tanga Koyeba Makambo ya Mibeko pona ba sango nyonso.
Est-ce que nakoki kosala esengi ya ebombamelo?
Mbulamatali ya Kanada ekozua mokáno soki okoki kosala esengi ya ebombamelo. Ya mutuya ezali koyeba nani akoki kosala esengi. Zua conseil epayi ya Ntoma (représentant légal) to pe molobeli liboso ya kosenga bobateli ya bobombami.
Mutu oyo akoki te
Okoki kozala na bosémbo (droit) ya kosala esengi ya ebombamelo na Kanada te soki:
- Oza Mobombami ya Bobembani na mboka mosusu oyo okoki kokende na yango.
- Osali esengi ya ebombamelo na États-Unis, Royaume-Uni, Australie, to Nouvelle-Zélande.
- Kanada esi eyibisaki yo liboso ete okoki te kosala esengi ya ebombamelo.
- Osalaki esengi ya ebombamelo na Kanada oyo o retiraki to o abandonnaki, to ba rejetaki.
- Ba identifiaki yo lokola mutu ya mabe to criminel, to pe o respectaki ba bosémbo ya bato te.
- Ba si ba pesaki yo statut ya mutu oyo azali na bobateli na mboka ya Kanada.
- Kanada epesaki yo ordre ya ko bima mboka.
- Na molelo ya États-Unis na Kanada, na nzela ya makolo, okokaki ko kota te pona Boyokani na ndambo ya mboka ya solo (STCA).
Boyokani na ndambo ya mboka ya solo (STCA)
Soki okoti Kanada na nzela ya États-Unis, eza na boyokani moko entre Kanada na États-Unis oyo ebengami Boyokani na ndambo ya mboka ya solo (STCA), pona boyokani oyo ezali pasi kosenga bobateli ya bobombami. Boyokani ango esengli osala esengi ya ebombamelo na yo na mboka oyo okotaki liboso. Boyokani ya STCA eko s’appliquer soki okoti Kanada na molelo moko ya officiel, to soki okoti Kanada na nzela ya ba frontières officiel pe osali esengi ya ebombamelo na yo na mikolo zomi na mitano oyo elandi.
Soki okoti Kanada na nzela ya makolo, okoki kosala esengi ya ebombamelo kaka soki:
- Oza na libota na Kanada.
- Oza mineur oyo aye ye moko, pe oza na libota to pe tuteur légal te na États-Unis.
- Oza na visa ya Kanada oyo ezali valide, to ndingisa ya ko sala ba études, to pe ndingisa ya mosala.
- Soki ozali condamné à mort na États-Unis to pe na mboka na yo.
- Oza na mboka te.
- Ozali mwana mboka ya États-Unis.
Mosaleli moko ya molelo ako tuna yo mituna pona ko yeba soki o répondre na moko ya ba ndéngé mosúsu oyo. Soki o répondre na’ngo, ako permettre yo kokota na Kanada. Soki o répondre na moko ya ba ndéngé mosúsu wana te, bako zongisa yo na États-Unis. Soki okoki, solola na molobeli to Ntoma (représentant légal) pona ayebisa yo, nzela nini mosusu okoki kosalela pona otikala kofanda na Kanada.
Tanga Boyokani na ndambo ya mboka ya solo pona ba sango nyonso.
Molakisi ya Processus ya esengi ya ebombamelo
Pona kofanda na Kanada, esengeli olakisa Mbulamatali ete ozali mutu oyo Kanada abengaka mobombami. Yango elingi kolakisa ete ozali Mobombami ya Bobembani to Mutu oyo aza na posa ya Bobateli. Soki oza na statut na ba mboka mingi, esengeli olakisa ete ozali na danger na ba mboka ango nionso. Pe esengeli olakisa ete ozali koloba makambo ya solo par rapport na mutu oyo olobi na oyo etali yo. Esengeli na yo kozala na ba détails na ba elembo ya nionso oyo olobi, ko zala honnête pe clair(e).
Bandela esengi ya ebombamelo na yo
Ya liboso pona kosala esengi ya ebombamelo na yo, esengeli na yo kosenga na mbulamatali ya Kanada bobateli na ye. Eza ndenge mibale ya kosala’ngo. Esengeli ozala na kati ya Kanada.
- Soki oza na kati ya Kanada: complétez pe tinda formulaire na yo en ligne na site ya to IRCC, to
- Soki oza na molelo, aéroport, to centre ya Bobombi: yebisa agent ya CBSA ete olingi kosala esengi ya ebombamelo.
CBSA to IRCC ako décider soki okoki kosala esengi ya ebombamelo na Kanada. Soki ba ndimi lisolo na yo, bako tinda esengi na yo na IRB-RPD.
Tanga Bandela Esengi ya Ebombamelo na Yo pona ba sango nyonso.
Boyoki na yo ya esengi ya ebombamelo
Boyoki eko salema pona esengi ya ebombamelo na yo. Na esengi na yo, mosaleli moko ya IRB-RPD (a Membere) ako yoka lisolo na yo pe ako yoka makambo ba temwé na yo bako loba. Ako tala Formulaire BOC na yo, ba notes ya IRCC to ya CBSA, pe ba mokambi to pe ba elembo mosusu nionso opesaki bango.
Tanga Na Boyoki na Yo ya esengi ya ebombamelo pona ba sango nyonso.
Sima ya boyoki na yo ya esengi ya ebombamelo
Sima ya boyoki na yo, IRB-RPD ekoyebisa yo soki esengi ya ebombamelo na yo esimbi. Soki esimbi, okoki kokoma mopaya ewumela. Soki esengi ya ebombamelo na yo esimbi te, okoki kosala bosengi (kosenga kokatama). Solola na molobeli to Ntoma (représentant légal) na yo pona koyeba ba options nini okoki kosalela.
Tanga Sima ya Boyoki na Yo pona ba sango nyonso.