Glosè

Anjeneral, travayè yo travay nan yon ajans pou etablisman epi yo bay nouvo imigran ak refijye yo èd pèsonalize pou bezwen aranjman pèsonèl yo.

Ajans pou etablisman bay sipò ak sèvis pou nouvo imigran ak refijye nan Kanada. Anpil nan sèvis yo gratis. Yo kenbe tout enfòmasyon yo prive. Ajans sa yo ede w:

• jwenn lojman ak travay,
• jwenn kou anglè oswa fransè,
• ranpli dokiman ak aplikasyon yo, epi
• jwenn enfòmasyon sou lòt sèvis kominotè, lekòl, ak swen sante.

Fòs polis fwontyè Kanada a. Nan pò antre, CBSA ka deside ki moun ki ka fè yon demann azil, epi voye enfòmasyon yo bay IRB.

CBSA kontwole fwontyè Kanada yo epi li deside ki moun ki ka antre Kanada ak ki moun ki dwe kite. CBSA depòte moun ki fè demann azil yo nan Kanada si yo rejte demann azil yo a, epi yo pa gen okenn lòt opsyon legal pou yo rete nan Kanada.

Akò ant Kanada ak Etazini ki di ke tou de peyi yo an sekirite pou moun ki bezwen pwoteksyon refijye. Ou dwe mande èd nan premye sa ou antre a. Sa a se vre si w ap eseye antre Kanada nan nenpòt ki pwen sou fwontyè Kanada/USA. Ou ka fè yon demann azil sèlman si ou kalifye pou yon “eksepsyon” nan règ STCA yo. Si w travèse nan yon kote ki pa ofisyèl epi w mande pou w fè yon demann azil nan lespas 14 jou, Y ap retounen w Ozetazini sof si w kalifye pou yon eksepsyon. Chèche jwenn konsèy legal anvan ou eseye travèse antre nan Kanada soti nan USA pe enpòt kote ou planifye antre a.

Yon opsyon yo bay moun yo arete pou rezon imigrasyon. Yo libere de detansyon an men yo rete konekte ak gouvènman Kanadyen an atravè kondisyon tankou rapò regilye oswa peye yon kosyon. Konsèy Imigrasyon ak Refijye Kanada – Divizyon Imigrasyon (IRB-ID) deside kondisyon sa yo.

Yon moun ki pa rekonèt kòm yon sitwayen pa okenn peyi. Anpil apatrid pa gen paspò epi yo gen pwoblèm pou pwouve idantite yo. Se pa tout moun ki apatrid ki refijye epi se pa tout refijye ki apatrid.

Yon moun ki pa kalifye pou yon rezidans pèmanan nan Kanada anba yon pwogram imigrasyon ka gen dwa aplike pou rezidans pèmanan pou rezon imanitè ak konpasyon. Sa pa rive souvan. IRCC gade :

• Kijan moun nan rete nan Kanada
• Lyen fanmilyal an jeneral ak Kanada
• Pi bon enterè timoun ki enplike, ak
• Difikilte ke moun nan ta ka rankontre si li dwe kite Kanada pou aplike pou rezidans pèmanan.

IRCC pap gade faktè risk ki fè pati yon demann azil oswa yon evalyasyon risk anvan depòtasyon (PRRA).

Yon Avi pou Desizyon se yon avi ekri ou resevwa pa lapòs oswa pa imel. Li di w si IRB-RPD te aksepte oswa rejte demann ou a epi li ba w rezon desizyon an.

Lèt plizyè paj ou resevwa nan men IRB-RPD a ki fè w konnen yon dat odyans te pwograme epi ou dwe patisipe.

Moun ki tradui yon dokiman an dwe siyen epi date yon deklarasyon ki di ke li te tradui tout dokiman an avèk presizyon soti nan lang orijinal li an anglè oswa fransè.

Yon moun ki te aplike pou pwoteksyon refijye nan Kanada epi ki ap tann yon desizyon sou demann yo nan men Konsèy Imigrasyon ak Refijye Kanada – Divizyon Pwoteksyon Refijye.

Mo yo itilize atravè lemond pou dekri yon moun ki kite peyi yo pou jwenn pwoteksyon refijye nan yon lòt peyi. Nan Kanada, yo itilize tèm demandè azil pito. Anjeneral sa vle di yon moun ki te aplike pou pwoteksyon refijye kote Gouvènman Kanada.

Si w rate dat limit Fòm demann de Baz (BOC) ou a oswa odyans pou azil ou a, IRB-RPD ka deklare ke demann ou a “abandone”. Sa vle di ke w pap gen dwa ni pou  kontinye demann ou a ni pou w fè yon lòt demann alavni. Si demann ou an “abandone,” ou ka aplike pou w relouvri li, men sa difisil anpil.

Kenbe nan prizon nan yon Sant Detansyon imigrasyon oswa nan yon prizon pwovensyal oswa teritoryal.

Dokiman ou jwenn apre yo fin voye demann azil ou bay Konsèy Imigrasyon ak Refijye Kanada (IRB). Sa a konfime ke ou te fè yon demann azil epi si ou kalifye pou pwoteksyon sante anba Pwogram Sante Federal Pwovizwa (IFHP).

Yon dokiman ke yo ka bay moun nan Kanada ki gen estati moun ki pwoteje pou yo itilize pou vwayaje andeyò Kanada, olye de yon paspò. Dokiman vwayaj refijye a ka itilize pou vwayaje nenpòt kote eksepte peyi kote moun nan se yon sitwayen oswa peyi yo te kite akòz pèsekisyon.

Lis dokiman piblik sou yon peyi ki bay enfòmasyon sou kondisyon peyi a. Se IRB ki prepare Dosye sa yo. Yo itilize NDP yo kòm prèv pandan yon demann azil.

Yon òganizasyon ki finanse piblikman, ki pa gen pwofi ki bay moun nan Alberta sèvis legal abòdab.

Yon òganizasyon ki pa gen pwofi ki bay enfòmasyon legal, konsèy, ak sèvis reprezantasyon pou moun ki nan Kolonbi Britanik.

Yon òganizasyon ki bay reprezantasyon legal a moun ki nan Manitoba ki kalifye.

Yon òganizasyon ki bay èd legal pou moun ki gen ti revni nan Ontaryo.

Yon egzamen medikal ou dwe fè kòm yon pati nan pwosesis demann azil lan pou asire w pa gen okenn enkyetid pou sante piblik oswa sekirite konsènan ou menm nan Kanada.

Yon entèvyou ak yon ajan ki travay pou Ajans Sèvis Fwontyè Kanada oswa pou Imigrasyon, Refijye ak Sitwayènte Kanada (IRCC). Ou bay enfòmasyon pèsonèl ki ede deside si ou gen dwa fè yon demann azil nan Kanada.

Kategori imigrasyon ofisyèl yon peyi ba ou, tankou sitwayen, rezidan pèmanan, moun ki pwoteje, travayè, vizitè, oswa etidyan.

Yon pwosesis IRCC ki deside si yon moun ta fè fas ak pèsekisyon, tòti, risk pou lavi li, oswa risk kriyote ak tretman inabityèl oswa pinisyon, si li retounen nan peyi li.

Fòmilè de Baz yon demann se dokiman ki pi enpòtan pou demann azil ou a. Moun ki fè demann azil yo dwe ranpli yon Fòm BOC byen bonè nan pwosesis demann azil yo a. Fòm nan mande enfòmasyon ki ede IRB-RPD deside sou demann ou a.

Yon moun ka fè yon demann azil ki baze sou “apatenans nan yon gwoup sosyal patikilye.” Nan Kanada, gen twa kalite gwoup sosyal posib:

• manm yo gen yon karakteristik ki pa chanje (pa egzanp, jan moun),
• manm ki volontèman gwoupe ansanm pou rezon ki tèlman enpòtan pou diyite mounite yo ke yo pa ta dwe fòse yo separe (pa egzanp, aktivis dwa moun), epi
• manm yo te gwoupe volontèman okòmansman, men kounye a gwoup yo pa ka chanje akòz istwa li.

Sa a se premye nimewo idantifikasyon gouvènman Kanada ba ou. Yo konnen l tou kòm yon nimewo idantifikasyon kliyan (ID kliyan) epi li gen longè swa 8 oswa 10 chif .

IRCC gen responsablite jeneral pou zafè imigrasyon ak refijye nan Kanada. Li sipèvize arive imigran yo, bay viza vizitè yo, pèmi travay ak etid, epi li bay sitwayènte. IRCC deside ki moun ki ka fè yon demann azil nan Kanada epi voye demann yo bay IRB pou yon desizyon.

Li baze nan Vancouver, li se yon òganizasyon ki bay konsèy legal gratis ak reprezantasyon pou moun ki gen ti revni nan BC. Yo konsantre sou ede moun ak fanmi ki gen pwoblèm legal nan imigrasyon oswa refijye ki pa gen kouvèti nan sistèm èd legal tradisyonèl la.

Youn nan kat divizyon IRB. Divizyon sa a jere kontestasyon imigrasyon, ki gen ladan kontestasyon ki gen rapò ak parennaj, òdonans ranvwa, ak revokasyon rezidans pèmanan.

Youn nan kat divizyon IRB yo. Si IRB-RPD rejte demann ou pou pwoteksyon refijye, ou ka anmezi pou fè apèl (mande yon revizyon) nan IRB-RAD.

Youn nan kat divizyon IRB yo. Si yo arete w, IRB-ID ap fè odyans pou revizyon arestasyon w lan epi deside si y ap lage w oswa si w ap rete nan detansyon.

Youn nan kat divizyon IRB yo. Si CBSA oswa IRCC di ou kapab fè yon demann azil, yo voye enfòmasyon ou yo bay IRB-RPD. IRB-RPD òganize yon odyans pou azil epi deside sou demann lan.

Konsèy Imigrasyon ak Refijye Kanada (IRB) se yon gwo tribinal endepandan (yon jan de tribinal espesyal). Li responsab pou pran desizyon ki jis sou zafè imigrasyon ak refijye, li gen ladan moun ki bezwen pwoteksyon refijye. Gen kat divizyon IRB: IRB-RPD, IRB-RAD, IRB-ID, IRB-IAD.

Yon òganizasyon ki akeyi epi ki bay sèvis etablisman pou refijye ak imigran k ap viv nan Manitoba.

Yon òganizasyon legal ki pa gen pwofi ki bay èd legal gratis pou moun ki nan Alberta ki pa ka peye pou sèvis yo.

Yon reprezantan CBSA (ki reprezante Minis Sekirite Piblik lan) oswa IRCC (ki reprezante Minis Imigrasyon, Refijye ak Sitwayènte). Konsèy Minis lan ka patisipe nan demann azil ou a ak nan lòt pwosesis devan IRB.

Yon lèt ki di yo dwe pran anprent dwèt ou ak foto w (byometrik ou).

Yon lòd yo fè kont yon moun ki di li dwe kite Kanada. Ofisye CBSA oswa IRB fè twa kalite lòd pou depòtasyon:

• Lòd Depa – Li fèt kont moun ki vyole lwa imigrasyon Kanada. Moun ke yo bay yon lòd depa dwe kite Kanada nan 30 jou. Si yo pa fè sa, lòd depa a vin tounen yon lòd depòtasyon.
• Lòd eksklizyon – Anjeneral vle di moun nan pa ka retounen Kanada pou yon ane san pèmisyon ekri. Yon moun ki resevwa yon lòd esklizyon pou falsifikasyon pap ka retounen pandan senk ane san yo pèmisyon ekri.
• Lòd Depòtasyon – Vle di moun nan dwe kite Kanada akòz yon ofans ki grav oswa vyolasyon lwa imigrasyon Kanada. Yon moun ke Kanada te depòte  pa gendwa retounen san pèmisyon ekri Minis Imigrasyon, Refijye ak Sitwayènte a.

Yon òganizasyon ki pa gen pwofi, ki pap travay pou gouvènman an ki bay konsèy legal gratis pou kliyan ki gen ti revni nan Saskatchewan. PBLS fonksyone epi fè patenarya ak 14 klinik legal gratis atravè Saskatchewan. PBLS eseye konble espas vid ki genyen nan sèvis legal ki genyen ant èd legal ke gouvènman finanse epi anboche yon avoka prive.

Lwa prensipal sou imigrasyon ak demann azil nan Kanada, ke Imigrasyon, Refijye ak Sitwayènte Kanada ak Ajans Sèvis Fwontyè Kanada itilize.

Tèm pou refere a oryantasyon seksyèl yon moun.

Yo konnen yo tou kòm Manm Konsèy lan oswa Moun k ap pran desizyon, moun sa a travay pou IRB-RPD epi deside sou demann pou pwoteksyon refijye. Lòt divizyon IRB yo gen Manm tou ki deside sou divès pwoblèm.

Moun ki pa satisfè definisyon IRCC pou yon manm klas fanmi, tankou yon pitit gason oswa yon pitit fi ki gen plis pase 22 lane.

Sa a se Minis Imigrasyon an, Refijye ak Sitwayènte Kanada oswa Minis Sekirite Piblik lan. Yo reprezante pa Konsèy Minis lan nan pwosesis refijye a ak nan lòt odyans devan IRB.

Nenpòt chanjman ou bezwen fè nan Fòm BOC ou a apre ou fin voye l. Ou dwe souliye chak chanjman epi atache yon deklarasyon ki di enfòmasyon yo konplè, vrè epi kòrèk. Bay modifikasyon BOC ou yo nan IRB-RPD pa pita pase dis jou anvan odyans azil ou a.

Yon moun ke IRB-RPD rejte demann azil li a epi ki fè demann (mande) IRB-RAD pou yon revizyon.

Yon moun ki pa satisfè definisyon Konvansyon Refijye a, men ki toujou bezwen pwoteksyon. Yon moun nan Kanada ki ta gen risk si yo te voye yo tounen nan peyi nasyonalite yo oswa nan peyi kote yo te abite anjeneral (si yo pa gen yon peyi ke yo gen nasyonalite li). Sa a kapab akòz danje pou yo ta tòtire pa otorite nan peyi yo, oswa yon risk pou lavi yo, oswa yon risk pou kriyote epi tretman inabityèl oswa pinisyon.

Pou w ka yon moun ki bezwen pwoteksyon nan Kanada, Manm IRB-RPD k ap tande ka w la dwe deside sa tou:

• gouvènman w lan pa ka pwoteje w,
• ou pa ka viv an sekirite oswa byen nan okenn lòt pati nan peyi a,
• ou gen risk men se pa tout moun nan peyi ou ki gen risk sa a,
• risk la se pa paske peyi w vle pini w pou yon zak ki se yon krim nan Kanada,
• risk la se pa akoz vye kondisyon medikal nan peyi ou, ak
• ou kalifye pou w fè yon demann azil.

Yon moun ki pa kapab yon “Refijye Konvansyon” oswa yon “Moun ki Pwoteje”. Pa egzanp:

• Yon moun ki te komèt yon krim grav andeyò Kanada
• Yon moun ki gen dwa pou li yon rezidan pèmanan oswa yon sitwayen nan yon lòt peyi tyès ki an sekirite.

Moun ki eskli pou fè yon demann azil ka pito aplike pito pou yon evalyasyon risk anvan depòtasyon (PRRA).

Yon moun ki:

• Yon refijye Konvansyon oswa yon moun ki nan sikonstans menm jan an, jan yon ajan viza Kanadyen deside deyò Kanada,
• Yon refijye Konvansyon oswa yon Moun ki Bezwen Pwoteksyon nan Kanada, jan Konsèy Imigrasyon ak Refijye Kanada deside, oswa
• Yon moun ke evalyasyon risk pre-depòtasyon yo te apwouve (nan pifò ka yo).

Yon moun vilnerab se yon moun ki ta gen difikilte ak yon odyans refijye regilye. Yo bezwen chanjman nan pwosedi odyans lan pou pèmèt yo patisipe nan yon fason ki gen sans. Yon moun ka vilnerab akòz maladi, laj, oswa paske eksperyans yo te tèlman terib ke yo gen pwoblèm pou dekri sa ki te pase a. Pa egzanp, si w konnen ou fasil vin akable ak konfonn, ou ka mande pou yo ba ou yon ti poz souvan. Si ou se yon fanm ki te fè eksperyans agresyon seksyèl ki ta difisil pou w dekri sa devan yon gason, ou ka mande pou yon Manm fi ak yon entèprèt. Si ou gen gwo detrès akoz evènman ki te pase yo, ou ka mande pou yon Manm ki espesyalman sansib a efè chòk yo.

Si ou se yon moun ki vilnerab, ou menm oswa avoka ou ta dwe di IRB-RPD sa imedyatman. Fè IRB-RPD konnen ki chanjman ki ka fèt nan odyans lan ki ta ka rann li pi fasil pou w patisipe. Nan kèk ka, li itil pou w sipòte demann ou a ak yon lèt yon doktè. Si IRB-RPD deside ke ou vilnerab, y ap fè aranjman espesyal pou ou.

Se yon nimewo 9 chif ki sòti nan Service Canada ke ou bezwen si w vle travay Kanada oswa itilize pwogram ak benefis gouvènman an.

Yo konnen li tou senpleman kòm yon “notè,” moun sa a ka aji kòm yon temwen ofisyèl nan siyen dokiman legal yo. Yon notè ka di tou ke dokiman yo se kopi egzak orijinal la. Nan prezans yon notè, yon temwen oswa yon lòt moun ki bay sipò nan ka w la, ka sèmante ke deklarasyon w yo se verite.

Yon odyans pou deside si yo pral deklare ke demann azil ou a “abandone”.

Ou dwe ale nan yon “odisyon espesyal” si ou rate dat limit pou voye fòm BOC ou a. Ou dwe eksplike pou kisa ou te an reta. Si w pa ale nan odyans espesyal sa a oswa si w pa bay yon bon rezon, yo ka konsidere demann ou a kòm abandone. Enfòmasyon sou dat, lè, ak kote odyans espesyal ou a nan dokiman Konfimasyon Referans ou a si ou te fè demann nan yon pò antre.

Ou resevwa yon Avi pou w parèt nan dat, lè, ak kote odyans refijye w la ap fèt lan. Si ou pa ale nan odyans ou a, ou dwe ale nan yon odyans espesyal pou w eksplike poukisa ou pa t ale. Enfòmasyon sou dat, lè, ak kote odyans espesyal sou abandon ap parèt tou nan Avi pou parèt la. Si w pa ale nan odyans espesyal lan oswa si w pa bay yon bon rezon ki fè w rate odyans pou azil ou a, yo ka konsidere demann ou a kòm abandone. Si RPD di ke demann ou a abandone, ou pap kapab kontinye ak demann ou a oswa fè yon lòt demann alavni.

IRB-RPD pwograme yon odyans pou dezèdtan lè yo kwè gen sèlman youn oubyen de pwoblèm sou yon demann azil ki bezwen revizyon.

Yo konnen yo tou kòm ajans etablisman, founisè sèvis, ak òganizasyon kominotè, òganizasyon sa yo sipòte moun k ap fè demann azil nan Kanada nan plizyè fason diferan epi yo pa asosye ak gouvènman Kanada a.

Domaj grav ki menase oswa vyole dwa moun epi ki repete oswa ki de fason kontini. Definisyon legal lan konplike. Mande yon avoka ki jan definisyon an aplike pou demann azil ou a. Egzanp yo se tòti, baton, menas lanmò, esterilizasyon fòse, sikonsizyon fi ki fòse, maryaj fòse, prizon pou aktivite politik san vyolans, ak agresyon seksyèl.

Yon plas kote yon moun ka antre legalman Kanada, tankou nan yon ayewopò, oswa yon lanmè oswa travèse fwontyè tè.

Nenpòt enfòmasyon ki ka sipòte demann ou a. Li kapab dokiman, lèt, atik jounal, rapò medikal oswa sikolojik, foto, anrejistreman odyo, oswa menm videyo.

Yon pwogram ki pa gen pwofi ki dirije pa etidyan k ap etidye Dwa nan Inivèsite Kolonbi Bitanik. Yo bay konsèy legal gratis ak reprezantasyon pou kliyan nan zòn Greater Vancouver ki pa kapab peye èd legal.

Yon òganizasyon ki sipòte byennèt moun k ap fè demann azil yo ak fanmi yo pandan y ap respekte dwa yo ak diyite yo. Misyon li se ede ak etablisman moun k ap fè demann azil yo nan Quebec.

Pwogram ki bay kèk benefis swen sante tanporè a moun ki pa kalifye pou asirans sante pwovensyal oswa teritoryal, enkli moun k ap fè demann azil yo.

Yon pwosesis nan IRB-RPD pou demann azil ki ka aksepte san yon odyans oswa ki gen anpil chans pou yo aksepte apre yon odyans byen kout. IRB-RPD ap di w si yo chwazi demann ou a pou pwosesis sa a.

Yon evènman aprantisaj gratis pou moun ki fè demann azil yo pou ede yo prepare pou odyans azil yo. Enskri isit la.

Yon moun ki satisfè definisyon refijye nan Konvansyon Jenèv 1951 sou Estati Refijye yo. Definisyon sa a itilize nan lwa Kanadyen epi li lajman aksepte atravè mond lan. Pou satisfè definisyon an, yon moun dwe andeyò peyi li epi li dwe gen bon rezon pou l pè pèsekisyon akoz ras li, relijyon, nasyonalite li, manm yon gwoup sosyal patikilye, oswa opinyon politik li.

Pou yo aksepte kòm yon Refijye Konvansyon  nan Kanada, yon Manm Konsèy Imigrasyon ak Refijye – Divizyon Pwoteksyon Refijye (IRB-RPD) dwe deside sa:

• Gouvènman w pa ka pwoteje w
• Ou vrèman pè pou w retounen nan peyi w
• Ou gen bon rezon pou w pè selon sitiyasyon nan peyi w
• Ou pa ka viv an sekirite oswa byen nan nenpòt kote nan peyi ou
• Ou ka fè yon demann azil nan Kanada.

Yon moun IRB-RPD chwazi pou pwoteje enterè yon timoun ki poko gen 18 an oswa yon granmoun ki pa ka konprann pwosesis azil lan oswa lòt pwosesis ki lye ak IRB pou kont li. Anjeneral, Reprezantan Dezinye a se yon paran, yon gadyen legal, yon manm fanmi oswa yon zanmi. Lè okenn nan moun sa yo pa disponib, IRB-RPD ap anboche yon moun.

Yon moun ki rive Kanada kòm yon pati nan yon gwoup moun ke Gouvènman Kanadyen an wè kòm yon gwoup “arive iregilye.” DFN yo gen règ espesyal ki aplike nan pwosesis demann yo ak detansyon yo.

Yon moun ki ka viv nèt ale nan Kanada men ki pa yon sitwayen Kanadyen. Rezidan pèmanan se sitwayen lòt peyi epi yo gen dwa antre nan Kanada.

Yon moun ki Kanada tanporèman, tankou yon etidyan oswa yon travayè, se pa yon rezidan pèmanan.

Refijye ki reyenstale yo lòt bò dlo yo vin rezidan pèmanan gras ak Pwogram Refijye ki jwenn Asistans Gouvènman an oswa Pwogram Patwonaj Prive pou Refijye yo.

Yon moun ki fè yon demann azil Kanada pa devni yon rezidan pèmanan nan menm moman sa a. Apre Konsèy Imigrasyon ak Refijye apwouve demann yo, yo dwe aplike pou estati rezidan pèmanan.

Yon etablisman kote yo ka detni w pou rezon imigrasyon.

Yon òganizasyon ki bay enfòmasyon legal gratis epi ki bay konsèy ak moun ki gen revni ba epi modere nan zòn Edmonton.

Yon òganizasyon pou nouvo arivan jwenn travay, aprann angle, vin etabli, epi rantre nan yon kominote nan zòn Edmonton.

Yon òganizasyon ki bay sèvis legal gratis, pwofesyonèl ak konfidansyèl pou moun nan Saskatoon ki fè fas ak povrete ak enjistis epi ki pa gen mwayen pou peye konsèy legal oswa yon avoka.

IRB-RPD se yon tribinal, yo pa fè pati kou dapèl. Malgre ke tribinal yo ka sanble ak kou dapèl, yo pa fè pati sistèm kou dapèl lan. Yo jeneralman mwens fòmèl epi yo opere pi vit pase sistèm kou dapèl lan. Moun k ap pran desizyon nan tribinal IRB-RPD yo resevwa fòmasyon espesyal pou deside sou demann azil yo.

Yon pwoblèm legal nan pwosesis demann azil lan. Yon IFA se yon vil oswa yon rejyon ou ta ka deplase san danje nan peyi ou. Nan pwosesis demann azil ou a, ou dwe montre li pa sekiritè pou ou pou w viv nan nenpòt pati nan peyi w te kite a.

UNHCR, Ajans Refijye Nasyonzini an, se yon òganizasyon mondyal ki devwe pou asire ke tout moun gen dwa pou yo chèche azil epi pou yo jwenn yon kote pou yo viv an sekirite. UNHCR ap travay nan non refijye yo, kominote ke yo te fòse deplase, ak moun ki apatrid. UNHCR gen biwo yo nan Kanada.

Yon peyi kote yon moun ka fè yon demann azil san danje (ki pa Kanada ak peyi li te kite akoz pèsekisyon an). Nan Kanada, Lwa sou Imigrasyon ak Pwoteksyon Refijye yo dekri sa ki fè yon peyi vin yon peyi tyès ki ka bay sekirite.