Pou yo aksepte demann azil ou a, ou dwe montre swa ou se yon Refijye Konvansyon oubyen yon Moun ki bezwen Pwoteksyon. Yon Manm nan IRB-RPD ap deside apre yo fin li dokiman ou yo epi tande istwa ou a.
Ou bezwen konprann definisyon ak kijan pou ranmase prèv ki ka ede demann ou a
Li chak pati nan definisyon yo. Pou chak pati ki vre pou ou, fè yon lis prèv ou ka jwenn pou montre ke li vre. Bay reprezantan legal ou a lis lan.
Refijye Konvansyon
Pou w ka konsidere kòm yon refijye Konvansyon, ou dwe rampli 6 condisyon sila yo:
- Si mwen tounen nan peyi mwen, mwen ap pwobableman fè fas ak pèsekisyon (sibi tretman ki move anpil).
- Mwen ka sibi move tretman poutèt ras mwen, relijyon mwen, nasyonalite mwen, opinyon politik mwen, oswa paske mwen manm yon gwoup sosyal.
- Mwen onètman pè retounen.
- Mwen gen rezon valid pou m pè viv nan peyi mwen.
- Gouvènman mwen an pa ka pwoteje mwen.
- Mwen pa ka viv an sekirite oubyen nan kondisyon rezonab nan oken lòt pati nan peyi a.
Moun ki bezwen pwoteksyon
Pou yo ka konsidere kòm yon moun ki bezwen pwoteksyon, ou dwe montre ke youn nan de kondisyon sa yo se laverite:
- Si mwen retounen nan peyi mwen, moun ki gen pouvwa yo ap ka maltrete mwen. OUBYEN
- Si mwen tounen nan peyi mwen, mwen ka mouri oswa sibi move tretman oswa pinisyon, epitou…
- Gouvènman mwen pa ka pwoteje mwen
- Mwen pa ka viv an sekirite oswa nan kondisyon ki rezonab nan okenn lòt pati nan peyi a.
- Mwen an danje men se pa tout moun nan peyi mwen ki gen risk sa a.
- Mwen pa an danje sèlman paske peyi mwen vle pini m paske m fè yon bagay ki se yon krim nan Kanada, epi
- Mwen pa an danje sèlman akoz sèvis sante ki pa bon nan peyi mwen