Egzijans konsènan prèv yo
Tout prèv ou yo dwe nan lang Anglè oswa Fransè. Si ou gen dokiman nan lòt lang, ou dwe fè tradwi yo an Anglè oswa Fransè. Si w ap soumèt videyo oswa anrejistreman odyo kòm prèv, ou dwe enkli yon transkripsyon ekri de sa ki di ladan yo. Transkripsyon sa a dwe tradwi an Anglè oswa Fransè tou.
Gen yon dat limit pou prèv ou yo. Tout prèv yo dwe al jwenn IRB-RPD omwen 10 jou anvan odyans ou a. Asire w ke ou respekte dat limit sa a!
Ou dwe soumèt prèv yo dwe nan yon fòma espesifik. Kontinye li anba a pou w jwenn plis enfòmasyon sou sa.
Si ou gen yon reprezantan legal
Si w gen yon reprezantan legal, y ap soumèt dokiman w yo pou ou. Bay reprezantan legal ou yo tout prèv ak dokiman ou yo. Yo ka ede w deside ki dokiman ki enpòtan epi y ap soumèt yo bay IRB-RPD. Asire w ke w ba yo ase tan.
Si w pa gen reprezantan legal
Si yo te envite w pou w itilize My Case, ou dwe soumèt prèv ou atravè pòtal My Case la. Ou ka sèlman itilize yon lòt metòd si ou jwenn pèmisyon nan men IRB-RPD a.
Si se ou ki reprezante tèt ou epi w poko resevwa yon envitasyon My Case, ou ka kontinye voye dokiman yo pa imèl (prefere) oswa pa lapòs.
Lè w ap soumèt prèv ou yo, sonje bagay ki enpòtan sa yo:
- Asire w ke tout dokiman w yo sou papye 8.5 x 11 pous, ki gwosè papye lèt. Dokiman ki tape yo dwe omwen tay 12.
- Mete dokiman ou yo ansanm epi ekri nimewo paj yo soti nan premye rive nan dènye paj a.
- Ajoute yon paj kouvèti ki gen non w ak adrès ou, dat la, nimewo dosye IRB-RPD ou a, yon lis tout dokiman ou yo, ak nimewo paj yo.
- Fè yon kopi pakè dokiman ou a. Kenbe orijinal la.
- Si w ap soumèt dokiman ou yo pa imèl, asire w ke yo nan fòma PDF.
Voye yon kopi pakè dokiman ou a bay IRB-RPD nan rejyon ou a. Rejyon kote ou ye a depann de kote ou rete a. Si w deplase al nan yon lòt rejyon, ou ka mande pou yo transfere dosye w la nan yon lòt rejyon.
Si w rete nan Kolonbi Britanik, Alberta, Saskatchewan, Manitoba, Yukon, oswa Teritwa Nòdwès
Imel
- [email protected]
- Swiv enstriksyon sa yo avèk atansyon: Ou dwe voye dokiman w yo kòm anèks nan fòma PDF. Fichye PDF yo pa ka depase 20MB. Nan liy sijè a, mete nimewo UCI w la (epi nimewo IRB-RPD ou ak dat odyans la si w genyen youn) epi di ke dokiman prèv yo an anèks. Pa ekri anyen nan kò imel la.
Lapòs
Si w pa ka itilize okenn nan lòt opsyon yo, ou ka itilize yon sèvis lapòs/kourye. Kenbe dokiman orijinal ou yo ak resi a. Asire w voye pake ou a bonè pou li ka rive alè.
- IRB-RPD, Place Minto, Building Kanada 344 ri Slater, 12yèm Etaj Otawa, Ontario Kanada, K1A 0K1I
An pèsòn
- IRB–RPD, 300 West Georgia Street, Swit 1600 Vancouver, BC V6B 6C9
- Si ou rete nan Vancouver, ou ka soumèt dokiman ou yo an pèsòn nan IRB.
Si w ret nan Ontaryo (sof Ottawa ak Kingston)
Imel
- [email protected]
- Swiv enstriksyon sa yo avèk atansyon: Ou dwe voye dokiman ou yo kòm atachman nan fòma PDF. Fichye PDF yo pa dwe depase 20MB. Nan liy sijè a, mete nimewo UCI ou a (ak nimewo IRB-RPD ou ak dat odyans ou an si w genyen yo) epi ak ki dokiman ki atache. Pa ekri anyen nan kò imèl la.
Lapòs
Si w pa ka itilize okenn nan lòt opsyon yo, ou ka itilize yon sèvis lapòs/kourye. Kenbe dokiman orijinal ou yo ak resi a. Asire w voye pake ou a bonè pou li ka rive alè.
- IRB-RPD, Plas Minto, Building Kanada 344 ri Slater, 12yèm Etaj Otawa, Ontario Kanada, K1A 0K1
An pèsòn
- 25 St. Clair Avenue East, Swit 400, Towonto, Ontario M4T 0A8
- Si w rete Towonto, ou ka soumèt dokiman w yo an pèsòn nan IRB.
Si w abite Kebèk, Nouvo Brunswick, Nova Scotia, Zile Pwens Edwa, Newfoundland, Nunavut, Kingston (Ontario), oswa Otawa (Ontario)
Imel
- [email protected]
- Swiv enstriksyon sa yo avèk atansyon: Ou dwe voye dokiman ou yo kòm atachman nan fòma PDF. Fichye PDF yo pa dwe depase 20MB. Nan liy sijè a, mete nimewo UCI ou a (ak nimewo IRB-RPD ou ak dat odyans ou an si w genyen yo) epi ak ki dokiman ki atache. Pa ekri anyen nan kò imèl la.
Lapòs
Si w pa ka itilize okenn nan lòt opsyon yo, ou ka itilize yon sèvis lapòs/kourye. Kenbe dokiman orijinal ou yo ak resi a. Asire w voye pake ou a bonè pou li ka rive alè.
- IRB-RPD, Plas Minto, Building Kanada 344 ri Slater, 12yèm Etaj Otawa, Ontario Kanada, K1A 0K1
An pèsòn
- Konplèks Guy-Favreau, 200 boulva René-Lévesque Lwès, Tou Lès, Biwo 102, Monreyal, Kebèk H2Z 1X4
- Si ou abite Monreyal, ou ka soumèt dokiman w yo an pèsòn nan IRB.