Seksyon sa a ba ou enfòmasyon wo nivo ak konsèy jeneral pou konekte nan sipò itil pandan pwosesis demann azil ou a.
Jwenn enfòmasyon detaye sou Resous Kominotè ki tou pre ou.
Ajans ki ede w enstale w
Rantre an kontak avèk Ajans ki pou ede w enstale w oswa lòt sèvis kominotè pou èd. Yo ka ede w chèche yon travay, jwenn yon kay, jwenn kou lang, enskri pitit ou yo lekòl, epi aprann sou sèvis gratis pou demandè azil.
Pwogram Sante Federal Pwovizwa
Antan ke yon demandè azil, ou ka jwenn swen sante nan Pwogram Sante Federal Pwovizwa (IFHP) ki gen ladan:
- sèvis lopital,
- sèvis ke pwofesyonèl swen sante bay,
- swen je ak swen dantè ijan
- medikaman sou preskripsyon.
Sa ap kontinye jiskaske ou ka jwenn asirans sante regilye oswa jiskaske ou oblije kite Kanada
Jwenn sipò pou sante mantal.
Ou ka santi estrès pandan pwosesis demann azil la. Ou ka te fè eksperyans twomatizan nan peyi w, pandan vwayaj ou pou vin Kanada, oswa isit la nan Kanada. Gen sèvis nan Kanada ki ka itil ou. IFHP bay kèk èd pou sa.
Fè nouvo zanmi.
Eseye rankontre lòt demandè azil oswa nouvo arivan. Li ka itil pou pataje eksperyans ou ak lòt moun ki ap pase nan menm sitiyasyon an. Fè nouvo zanmi epi kenbe kontak ak fanmi w ak zanmi w nan peyi w si ou kapab.