Si w antre Kanada pa Etazini, yon akò ant Kanada ak Etazini yo rele Akò pou Twazyèm Peyi ki an Sekirite (STCA) fè li difisil pou mande pwoteksyon refijye. Akò sa di ke ou ta dwe fè demann azil ou nan premye peyi ki an sekirite ou antre a. Si STCA a aplike pou ou, yo ka di w ou pa kapab fè yon demann azil nan Kanada.
STCA ap afekte w si w travèse fwontyè tè Kanada ak Etazini lè w antre Kanada. Li pa aplike si ou rive soti nan Etazini nan avyon.
Ou dwe konnen! Si w antre Kanada nan yon kote ki pa ofisyèl epi w fè yon demann azil nan lespas 14 jou, gen anpil chans pou w retounen Ozetazini. Yo kapab tou anpeche w fè yon demann azil alavni.
Eksepsyon nan STCA
Gen kèk eksepsyon nan STCA a. Ou ka gen dwa fè yon demann azil si ou satisfè youn nan eksepsyon sa yo:
- Ou gen yon manm fanmi nan Kanada
- Ou se yon timoun ki gen mwens ke 19 lane, wap vwayaje pou kont ou, epi ou pa gen yon paran oswa responsab legal Ozetazini.
- Ou gen yon viza Kanadyen ki valab, oswa yon pèmi etid oswa travay
- Ou ap fè fas ak pinisyon kriminèl santans lanmò nan Etazini oswa nan peyi ou.
- Ou se apatrid.
- Ou se you sitwayen ameriken
Yon ajan fwontalye ap poze w kesyon pou wè si w kalifye pou youn nan eksepsyon sa yo. Si w kalifye, y ap pèmèt ou antre Kanada. Si w pa kalifye pou youn nan eksepsyon yo, yo ka voye w tounen Ozetazini epi w ap oblije kite Kanada. Si sa posib, pale ak yon avoka oswa yon reprezantan legal sou lòt fason pou w eseye rete nan Kanada.