Pifò moun ki fè demann azil yo ap viv lib nan Kanada pou tout pwosesis demann azil yo. Se sèlman yon ti kantite yo arete ak detni (kenbe nan prizon).
Si Ajans Sèvis Fwontyè Kanada (CBSA) arete w, y ap di w poukisa. Pifò moun ki fè demann azil yo ke yo te arete yo lage yo apre.
Poukisa CBSA ka detni w
Li enpòtan pou w konnen rezon ki fè yo ka arete w. Rezon sa yo enkli:
Risk nan vòl yo
CBSA gendwa gen enkyetid ke ou pap vini pou ekspilsyon ou an oswa yon pwosedi imigrasyon, espesyalman si ou gen yon istwa ou pa swiv lwa imigrasyon (nan Kanada oswa nan yon lòt peyi).
Idantite
CBSA ka gen kesyon sou ki moun ou di ou ye. Sa ka rive si ou pa gen dokiman pou pwouve idantite w. Sa ka rive tou si CBSA kwè ou gen fo dokiman oswa yo pa kwè enfòmasyon ou te bay sou tèt ou oswa sou fason ou te vwayaje nan Kanada.
CBSA ap mande w prèv pou pwouve idantite w. Pafwa yo gade rezo sosyal ou, aplikasyon pou viza w yo, oswa enfòmasyon ki soti nan lòt peyi yo.
Danje pou piblik la
CBSA ka kwè ke ou danjere pou moun ki nan Kanada.
Sekirite
CBSA ka panse ke ou pa ta dwe gen dwa rete nan Kanada pou rezon sekirite oswa akòz konpòtman kriminèl. Yo ka detni w pandan y ap eseye jwenn plis enfòmasyon. Si yo jwenn prèv ki sipòte enkyetid yo, yo ka mande IRB-ID pou deside si ou gen dwa pou rete Kanada.
Kilè yo ka arete w
Yo ka detni w nan yon travèse fwontyè legal, nan yon travèse fwontyè ki pa ofisyèl, nan yon ayewopò, yon pò maritim, oswa nan Kanada.
Nan pifò ka yo, detansyon ka rive nan kòmansman pwosesis demann azil la. Yo ka detni w tou lè w deja Kanada oswa nan yon entèvyou ak ajan imigrasyon yo.
Ki kote yo ka detni w
Si yon ajan CBSA arete w, yo ka kenbe w nan yon Sant pou detansyon imigrasyon CBSA. Sa yo sitiye nan:
- Towonto, Ontaryo
- Laval, Quebec (tou pre Monreyal)
- Surrey, Kolonbi Britanik (tou pre Vancouver)
Yo ka kenbe w nan yon prizon si pa gen yon Sant detansyon imigrasyon kote w rete a, oswa si CBSA kwè ou se yon danje pou lòt moun oswa pou tèt ou.
Kote yo detni w lan depann de si gen yon Sant detansyon Imigrasyon nan rejyon w la ki gen espas ki disponib, ak nivo risk CBSA panse ou reprezante. Yon Ofisye Lyezon Detansyon oswa yon Ofisye Ranfòsman Entèn ka di w ki moun pou w kontakte si w gen enkyetid sou kondisyon yo.
Lage sou kondisyon
Si yo arete w, CBSA ka lage w si w dakò suiv sèten kondisyon.
Pa egzanp, si yo panse ou riske mawon, ou ka dakò pou:
- rapòte bay CBSA regilyèman,
- viv nan yon sèten kote, oswa
- jwenn yon depo kach oswa yon garanti nan men yon lòt moun (tankou yon manm fanmi).
Konbyen tan yo ka detni w
Konbyen tan yo arete w depann de poukisa ou la. Pa egzanp, IRB-ID ka lage w si w suiv sèten kondisyon oswa si gen timoun ki poko gen 18 an ki enplike.
Si yo arete w, w ap gen odyans pou revizyon detansyon nan yon lè fikse pou w wè si w ka lage w. Premye odyans pou revizyon detansyon an fèt apre 48 èdtan. Si yo pa lage w, w ap gen yon lòt odyans nan 7 jou. Si w kontinye nan detansyon an, w ap gen odyans omwen chak 30 jou apati de sa.
Pafwa ou ka bezwen bay yon Altènatif pou Detansyon (ATD) pou yo ka lage w. Yon egzanp ATD ta ka pou w rete ak yon zanmi ki ka sipèvize ou epi ede ou pou w swiv kondisyon pou yo lage w.
Kounye a pa gen tan limit sou konbyen tan ou ka an detansyon nan Kanada.