ከዩናይትድ ስቴትስ ወደ ካናዳ ከገቡ፣ በካናዳ እና በዩናይትድ ስቴትስ መካከል የተደረገ ስምምነት አስተማማኝ የሶስተኛ አገር ስምምነት (STCA) ይባላል። የስደተኛ ጥበቃን መጠየቅ ከባድ ያደርገዋል። ስምምነቱ የስደተኛ ጥያቄዎን መጀመሪያ በገቡበት ሀገር ውስጥ ማስገባት አለቦት ይላል። STCA እርስዎን የሚመለከት ከሆነ፣ በካናዳ የስደተኛ ጥያቄ ማቅረብ እንደማይችሉ ሊነግሩዎት ይችላሉ።
ካናዳ ሲገቡ የካናዳ-ዩናይትድ ስቴትስን የመሬት ድንበር ካቋረጡ STCA ተግባራዊ ይሆንቦታል ። ከዩናይትድ ስቴትስ በአውሮፕላን ከደረሱ እርሶ ላይ አይተገበርም ።
ማወቅ ያለቦት ! ይፋዊ ባልሆነ የመግቢያ ቦታ ወደ ካናዳ ከገቡ እና በ14 ቀናት ውስጥ የስደተኛ ጥያቄ ካቀረቡ፣ ወደ አሜሪካ ሊመለሱ ይችላሉ። እንዲሁም ወደፊት የስደተኛ ጥያቄ ከማቅረብ ሊታገዱ ይችላሉ።
STCA ልዩ ሁኔታዎች
STCA ላይ አንዳንድ ልዩ ሁኔታዎች አሉ። ከሚከተሉት የማይካተቱ ሁኔታዎች ውስጥ አንዱን የሚያሟሉ ከሆነ የስደተኛ ጥያቄ እንዲያቀርቡ ሊፈቀድልዎ ይችላል፡
- በካናዳ ውስጥ የቤተሰብ አባል ካለዎት ።
- ከ19 አመት በታች ያሉ ብቻቸውን የሚጎዙ ልጆች እና በዩናይትድ ስቴትስ ወላጅ ወይም ህጋዊ አሳዳጊ የሌላቸው።
- የሚሰራ የካናዳ ቪዛ፣ ወይም የጥናት ወይም የስራ ፈቃድ ካለዎት።
- በዩናይትድ ስቴትስ ወይም በአገርዎ ውስጥ በወንጀል የሞት ቅጣት የሚደርሰቦት ከሆነ ።
- እርስዎ ሀገር አልባ ነዎት።
- የዩናይትድ ስቴትስ ዜጋ ከሆኑ ።
ከእነዚህ ልዩ ሁኔታዎች ለአንዱ ብቁ መሆንዎን ለማረጋገጥ የድንበር ባለስልጣን ጥያቄዎችን ይጠይቅዎታል። ብቁ ከሆኑ፣ ወደ ካናዳ እንዲገቡ ይፈቀድልዎታል። ከተካተቱት ሁኔታዎች ለአንዱ ብቁ ካልሆኑ ወደ ዩናይትድ ስቴትስ ተመልሰው ከካናዳ መውጣት አለቦት። በካናዳ ለመቆየት የሚይስችሉ ሌሎች መንገዶች ይኖሩ እንደሆነ ጠበቃ ወይም የህግ ተወካይ ያነጋግሩ ።