ਇਮੀਗ੍ਰੇਸ਼ਨ ਮੈਡੀਕਲ ਜਾਂਚ ਨੂੰ ਸਮਝੋ
ਸਾਰੇ ਸ਼ਰਣਾਰਥੀ ਦਾਅਵੇਦਾਰਾਂ ਦੀ ਇਮੀਗ੍ਰੇਸ਼ਨ ਮੈਡੀਕਲ ਜਾਂਚ(IME) ਹੋਣੀ ਲਾਜ਼ਮੀ ਹੈ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾਂ ਸਕੇ ਕਿ ਤੁਹਾਡਾ ਕਨੇਡਾ ਵਿੱਚ ਹੋਣਾ ਕਿਸੇ ਜਨਤਕ ਸਿਹਤ ਜਾਂ ਸੁਰੱਖਿਆ ਦੇ ਮੁੱਦੇ ਨਾਲ ਸਬੰਧਿਤ ਨਹੀਂ ਹੈ। ਇਹ ਮੈਡੀਕਲ ਜਾਂਚ ਮੁਫ਼ਤ ਹੈ। ਤੁਹਾਡੀ ਮੈਡੀਕਲ ਜਾਂਚ ਇਸ ਗੱਲ ਨੂੰ ਪ੍ਰਭਾਵਿਤ ਨਹੀਂ ਕਰੇਗੀ ਕਿ ਤੁਹਾਡਾ ਦਾਅਵਾ ਸਵੀਕਾਰ ਕੀਤਾ ਜਾਂਦਾ ਹੈ ਜਾਂ ਨਹੀਂ।
ਦੇਰੀ ਨਾ ਕਰੋ: ਵਰਕ ਪਰਮਿਟ ਪ੍ਰਾਪਤ ਕਰਨ ਤੋਂ ਪਿਹਲਾਂ ਤੁਹਾਡੇ ਕੋਲ ਇਹ ਜਾਂਚ ਹੋਣੀ ਚਾਹੀਦੀ ਹੈ।
ਤੁਹਾਡੇ ਮੈਡੀਕਲ ਜਾਂਚ ਲਈ ਕੀ ਲਿਆਓੁਣਾ ਹੈ
ਜਦੋਂ ਤੁਸੀਂ ਆਪਣੀ ਮੈਡੀਕਲ ਜਾਂਚ ਲਈ ਜਾਂਦੇ ਹੋਂ, ਤਾਂ ਲਿਆਓ
- ਜੇਕਰ ਤੁਹਾਡੇ ਕੋਲ ਹੈ ਤਾਂ ਦਾਅਵੇ ਦੀ ਤੁਹਾਡੀ ਰਸੀਦ ਪੱਤਰ
- ਮੈਡੀਕਲ ਰਿਪੋਰਟ ਫਾਰਮ
- ਜੇਕਰ ਤੁਹਾਡੇ ਕੋਲ ਹੈ ਤਾਂ ਇਕ ਪਛਾਣ ਦਸਤਾਵੇਜ਼
- ਜੇ ਤੁਸੀਂ ਪਾਂਦੇ ਹੋਂ ਤਾਂ ਤੁਹਾਡੇ ਚਸ਼ਮੇ ਜਾਂ ਕੰਟੈਕਟ ਲੈਂਸ
- ਕੋਈ ਵੀ ਟਿਕਾਕਰਨ ਦਸਤਾਵੇਜ਼
- ਮੈਡੀਕਲ ਹਾਲਤਾਂ ਬਾਰੇ ਕੋਈ ਵੀ ਮੈਡੀਕਲ ਰਿਪੋਰਟਾਂ ਜਾਂ ਟੈਸਟ ਦੇ ਨਤੀਜੇ (ਪਹਿਲਾਂ ਦੀਆਂ ਵੀ ਸ਼ਾਮਲ)। ਤੁਹਾਨੂੰ ਇਹਨਾਂ ਦਾ ਅੰਗਰੇਜੀ ਜਾਂ ਫ੍ਰਾਂਸੀਸੀ ਵਿੱਚ ਅਨੁਵਾਦ ਕਰਵਾਓਨਾ ਚਾਹੀਦਾ ਹੈ (ਅਨੁਵਾਦਕ ਦੁਆਰਾ ਹਸਤਾਖਰ ਕੀਤੇ ਘੋਸ਼ਨਾ ਪੱਤਰ ਨਾਲ)।
ਤੁਹਾਡਾ ਮੈਡੀਕਲ ਇਤਿਹਾਸ ਅਤੇ ਪ੍ਰੀਖਿਆ
ਤੁਹਾਡੇ ਅਤੇ ਪਰਿਵਾਰ ਦੇ ਹਰੇਕ ਸਦੱਸ ਦੀ ਮੈਡੀਕਲ ਜਾਂਚ ਹੋਵੇਗੀ।
ਮੈਡੀਕਲ ਜਾਂਚ ਤੇ ਡਾਕਟਰ ਤੁਹਾਡੇ ਮੈਡੀਕਲ ਇਤਿਹਾਸ ਬਾਰੇ ਸਵਾਲ ਪੁੱਛੇਗਾ। ਫਿਰ ਡਾਕਟਰ :
- ਤੁਹਾਨੂ ਤੋਲਦਾ ਹੈ ਅਤੇ ਤੁਹਾਡੀ ਉਚਾਈ ਮਾਪਦਾ ਹੈ
- ਤੁਹਾਡੇ ਸੁਣਨ ਅਤੇ ਦ੍ਰਿਸ਼ਟੀ ਦੀ ਜਾਂਚ ਕਰਦਾ ਹੈ
- ਤੁਹਾਡਾ ਬਲੱਡ ਪ੍ਰੈਸ਼ਰ ਮਾਪਦਾ ਹੈ ਅਤੇ ਤੁਹਾਡੀ ਨਬਜ਼ ਮਹੱਸੂਸ ਕਰਦਾ ਹੈ
- ਤੁਹਾਡੇ ਦਿਲ ਅਤੇ ਫੇਫੜਿਆਂ ਨੂ ਸੁਣਦਾ ਹੈ
- ਤੁਹਾਡੇ ਪੇਟ ਨੂੰ ਮਿਹਸੂਸ ਕਰਦਾ ਹੈ
- ਤੁਹਾਡੇ ਬਾਂਹਾਂ ਅਤੇ ਪੈਰਾਂ ਦੀ ਚਲਨ-ਫਿਰਨ ਦੀ ਜਾਂਚ ਕਰਦਾ ਹੈ
- ਤੁਹਾਡੀ ਚਮੜੀ ਦੀ ਜਾਂਚ ਕਰਦਾ ਹੈ
ਜੇਕਰ ਡਾਕਟਰ ਨੂੰ ਤੁਹਾਡੀਆਂ ਛਾਤੀਆਂ ਦੀ ਜਾਂਚ ਕਰਨ ਦੀ ਜ਼ਰੂਰਤ ਹੈ ਤਾਂ ਓੁਹ ਦੱਸਣਗੇ ਕਿ ਕਿਵੇਂ ਅਤੇ ਕਿਓਂ। ਤੁਹਾਨੂੰ ਛਾਤੀ ਦਾ ਐਕਸ-ਰੇ ਅਤੇ ਪ੍ਰਯੋਗਸ਼ਾਲਾ ਦੇ ਟੈਸਟ ਕਰਵਾਉਣ ਦੀ ਲੋੜ ਪੈ ਸਕਦੀ ਹੈ। ਇਮਤਿਹਾਨ ਦੌਰਾਨ ਤੁਸੀਂ ਕਿਸੇ ਨੂੰ ਆਪਣੇ ਨਾਲ ਰੱਖਣ ਲਈ ਕਿਹ ਸਕਦੇ ਹੋਂ।
ਡਾਕਟਰ ਨਤੀਜੇ ਸਿੱਧੇ IRCC ਨੂੰ ਭੇਜੇਗਾ।