Pata Mwakilishi wa Kisheria

Jua jinsi ya kupata mwakilishi wa kisheria. Elewa wanachofanya na unachopaswa kufanya. Jifunze jinsi ya kupata usaidizi ikiwa unafikiri kuwa hawafanyi kazi nzuri.

Pata Mwakilishi wa Kisheria

Mchakato wa kudai ukimbizi ni mgumu. Ni wazo zuri kuwa na mwakilishi wa kisheria akuongoze katika mchakato wa kudai ukimbizi. Huhitajiki kuwa na mwakilishi wa kisheria, lakini anaweza kukusaidia kufanya vizuri uwezavyo. Mwakilishi wa kisheria anaweza kukusaidia kuwasilisha dai lako, kuandaa ushahidi wako na kukusaidia katika kusikilizwa kwako.

Je, ni wakati gani nahitaji nitafute mwakilishi wa kisheria?

Jaribu kupata mwakilishi wa kisheria kabla ya kuanza dai lako la ukimbizi. Ikiwa hili haliwezekani, pata mmoja haraka uwezavyo kabla ya kuratibiwa kwa usikilizaji wako. Hii itahakikisha wewe na mwakilishi wako muwe mna muda mwingi wa kujiandaa.

Mwakilishi wa kisheria anaweza kufanya nini?

  • Kukufahamisha kama unaweza kufanya dai la ukimbizi, na kama hilo ni wazo zuri kwako
  • kukufahamisha maana ya Mkimbizi kulingana na Mkataba wa Geneva na Mtu Anayehitaji Ulinzi na ni sehemu gani zinalingana na hali yako
  • Kukusaidia ni nini cha kuweka katika  Fomu ya BOC
  • Kukuambia ni ushahidi  gani unahitaji kukusanya
  • Kukagua ushahidi wako na autume kwa IRB-RPD
  • Kuwasiliana na IRB-RPD (na Waziri ikiwa anahusika)
  • Kukutayarisha kwa ajili ya usikilizaji wako na kukusaidia kufanya mazoezi ya kujibu maswali
  • Kukusaidia katika usikilizaji wako na kukusaidia kuwasilisha dai lako kwa IRB-RPD
  • Kukuelezea uamuzi wako kutoka kwa IRB-RPD na kukuambia hatua zinazofuata ni zipi au una chaguo gani

Nani anaweza kuniwakilisha?

Watu hawa wanaweza kukuwakilisha (kutenda kwa niaba yako) wakati wa dai lako la ukimbizi:

  • Wakili
  • Mshauri wa uhamiaji
  • Mthibitishaji wa umma (ndani ya Quebec)
  • Msaidizi wa kisheria aliye na leseni (ndani ya Ontario)

Chagua mwakilishi wako wa kisheria kwa uangalifu. Je, atakusikiliza kwa makini? Je, atatenga muda kwa ajili yako? Je, yeye hujitokeza kila mara? Je, ni waaminifu? Je, anatoza kiasi sahihi cha fedha? Ikiwa huna uhakika, muulize wakala wa kusaidia wageni nchini anayeaminika kumhusu.

Vyama vya Sheria na Mashirika ya Kitaalam

Unataka kuamini kuwa mwakilishi wako wa kisheria anakuongoza vyema na kukupa ushauri mzuri. Hakikisha kuwa awe ni mwanachama wa shirika lao la kitaaluma.

Hii hapa tovuti ya chama cha sheria katika jimbo lako:

Ukiajiri mshauri wa uhamiaji, hakikisha kuwa yeye ni mwanachama wa Chuo cha Washauri wa Uhamiaji na Uraia. Washauri wa uhamiaji lazima waidhinishwe kabla ya kufanya kazi mbele ya IRB. Unaweza kuangalia Rejista ya Umma ili kuthibitisha hali ya mshauri wa uhamiaji.

Ukiajiri mwanasheria huko Ontario, angalia rekodi zao na Chama cha Wanasheria cha Ontario.

Ikiwa utaajiri mthibitishaji huko Quebec, angalia rekodi zake kwenye Chama cha wathibitishaji cha Québec.

Mwakilishi bila bure

Unaruhusiwa kuwa na mtu unayemwamini (kama vile mwanafamilia au rafiki) akupe usaidizi bila malipo kwenye dai lako. Mtu huyu anaitwa “mwakilishi bila ada.” Lakini ni bora ujaribu kupata mwakilishi wa kisheria.

Je, nitapataje mwakilishi wa kisheria?

  • Uliza wakala wako wa kusaidia wageni wakupe majina.
  • Zungumza na wawakilishi tofauti wa kisheria ili kuona kama utawapenda. Soma maoni ya watu wengine kuwahusu.
  • Ikiwa huna pesa za msaidizi wa kisheria, uliza watu wa kutoa Msaada wa Kisheria au kliniki za kisheria zisizo za faida wakupe usaidizi wa kupata mwakilishi wa bure au wa bei nafuu.

Msaada wa kisheria na kliniki za kisheria

Bofya kwenye mkoa wako hapa chini ili uone huduma za kisheria za bei nafuu au za bure zinaweza patikana.

Baada ya kutuma BOC yako, wasiliana na Msaada wa Kisheria wa Alberta (LAA) ili kuomba wakupe wakili wa kukuwakilisha kwenye kikao chako cha mkimbizi. Utakapotuma ombi, LAA itauliza maswali kuhusu hali yako na ni pesa ngapi unazo ili kuona ikiwa unahitimu. Wanaweza kukuitisha hati. Ikiwa umekubaliwa, bado utalazimika kumlipia wakili wako, lakini kwa kiwango kilichopunguzwa.

Ikiwa LAA itaamua kutokusaidia kwa sababu ya hali yako ya kifedha au wanafikiri dai lako halitafanikiwa, unaweza kukata rufaa (kuomba uhakiki). Huenda ukalazimika kulipa gharama zote au sehemu ya gharama kwa ofisi ya msaada wa kisheria.

Kutuma maombi kwa LAA, piga simu: 1-866-845-3425

Kuna baadhi ya mashirika huko Calgary na Edmonton ambayo yanaweza kukusaidia kujaza Fomu yako ya BOC.

Calgary

Pata ushauri wa kisheria na usaidizi wa kujaza  Fomu yako ya BOC kutoka kwa Mwongozo wa Kisheria wa Calgary.

Mwongozo wa Kisheria wa Calgary 100 – 840 – 7th Avenue SW Simu: 403-234-9266

Edmonton

Pata ushauri wa kisheria kuhusu Fomu yako ya BOC kwa Kituo cha Sheria cha Jumuiya ya Edmonton (ECLC).

Kituo cha Sheria cha Jumuiya ya Edmonton Telus House, South Tower, 2nd Floor 10020 100 Street Simu: 780-702-1725

Msaada wa kisheria

Wasiliana na Msaada wa Kisheria BC (LABC) haraka uwezavyo na uombe msaada wa kisheria.

Msaada wa Kisheria BC una wanasheria wa bure wa:

  • Madai ya ukimbizi – kuanzia mwanzo hadi mwisho
  • Baadhi ya rufaa za ukimbizi
  • Ushauri wa kisheria na uwakilishi ikiwa umezuiliwa

Kutuma maombi:

Simu: 604-601-6076 au 1-888-601-6076 (bila malipo)

Suite 400 – 510 Burrard Street Vancouver, BC V6C 3A8

Unapotuma ombi, LABC itakuuliza maswali ili kuona kama unahitimu. Wataangalia ni pesa ngapi ulizonazo na kama dai lako la ukimbizi lina nguvu. Unaweza kuulizwa uwape hati.

Ukifaulu kupata usaidizi wa kisheria, unaweza kuwaambia jina la wakili unayemtaka au uwaombe wakupe wakili yeyote.

Ikiwa una maswali au unapata wakati mgumu kutuma maombi ya usaidizi wa kisheria unaweza kuomba usaidizi kutoka kwa Wakala wa kukuongoza kutafuta Msaada wa Kisheria. Hawa ni wafanyakazi wa LABC wanaosaidia kuwaongoza watu katika mchakato kutafuta usaidizi wa kisheria. Ili kuwasiliana na Wakala wa kukuongoza kutafuta Msaada wa Kisheria piga 1-866-577-2525.

Usipopata msaada wa kisheria

Ikiwa LABC itasema hustahiki usaidizi, unaweza kukata rufaa (kuomba ukaguzi). Andika barua ukieleza kwa nini hukubaliani na uamuzi wao na uitume kwao ukitumia barua, barua pepe au faksi haraka iwezekanavyo. Ni lazima utume hii barua ndani ya siku 30 baada ya kupokea uamuzi hasi kutoka kwa wausaidizi wa kisheria. Unaweza kujumuisha hati zozote unazofikiri zitasaidia rufaa yako.

Ikiwa bado hustahiki, wakala wa kusaidia wageni anaweza kukuelekeza kwenye kliniki za kisheria au kwenye sehemu nyingine za msaada katika jumii.

Kliniki za Ushauri wa Kisheria za Bure

Ikiwa huwezi kupata usaidizi wa kisheria, unaweza kutuma maombi ya huduma kwa:

Kliniki ya Kisheria ya Uhamiaji na Wakimbizi Simu: 778-372-6583 WhatsApp: 778-222-7568 Barua pepe: [email protected] 103 – 2610 Victoria Drive Vancouver, BC V5N 4L2

Mpango wa Ushauri wa Kisheria wa Wanafunzi wa Sheria wa UBC (LSLAP) Simu: 604-822-5791

Ikiwa ungependa kuzungumza na wakili wa uhamiaji kwa muda wa nusu saa, unaweza kuwasiliana na:

Fikia Jumuiya ya Mawakili wa Kusaidia Watu Bure Simu: 604-878-7400 Simu ya Bure: 1-877-762-6664

Wasiliana na Msaada wa Kisheria wa Manitoba (LAM) haraka uwezavyo na utume ombi la usaidizi wa kisheria.

Msaada wa Kisheria Manitoba (LAM) Maelezo ya jinsi ya kutuma maombi Kuomba msaada wa kisheria mtandaoni Simu: 204-985-8511 Simu ya Bure: 1-866-800-8056

Ikiwa LAM itasema hustahiki, unaweza kukata rufaa (itisha ukaguzi).

Unaweza pia kuwasiliana na Baraza la Uhamiaji la Dini Mbalimbali za Manitoba (Mahali Pa Kukaribisha Watu) kwa usaidizi wa dai lako. Wanatoa huduma za wanasheria.

Baraza la Uhamiaji la Dini Mbalimbali za Manitoba (Mahali Pa Kukaribisha Watu) 521 Bannatyne Place Winnipeg, Manitoba Simu: 204-977-1000 Piga simu au panga mkutano.

Kama itawezekana, piga simu au utume barua pepe kwa Kliniki ya Wakimbizi ya New Brunswick utafute usaidizi kabla ya kuanza dai lako la ukimbizi. Unaweza kustahiki kupata uwakilishi wa kisheria bila malipo.

Kliniki ya Wakimbizi ya New Brunswick 327 St George Street, Suite 204 Moncton, NB E1C 1W8 Simu: 506 204 5781 Barua pepe: [email protected] Faksi: 506 204 6117

Wasiliana na ofisi ya Msaada wa Kisheria Newfoundland ili kuona kama unastahiki kupata usaidizi wa kisheria. Mwanasheria wa kisheria wa msaada anaweza kukusaidia kujaza Fomu yako ya BOC na kukuwakilisha kwenye kikao cha kusikizwa kwa ukimbizi wako. Wataangalia ni pesa ngapi ulizonazo na jinsi dai lako la ukimbizi lilivyo na nguvu.

Omba mtandaoni, tuma barua, faksi, au nenda kwa ofisi ya usaidizi wa kisheria iliyo karibu nawe. Nenda kwa Msaada wa Kisheria ya Newfoundland ili ujue mbinu za kutuma ombi na mahali ofisi zipo.

Nenda kwa Msaada wa Kisheria wa Newfoundland ili ujue mbinu za kutuma ombi na mahali ofisi zipo.

Ikiwa hutapata usaidizi wa kisheria, unaweza kukata rufaa (kuomba ukaguzi).

Piga simu kwa Kliniki ya Wakimbizi ya Halifax uombe usaidizi kabla ya kuanza dai lako kama utaweza. Ikiwa umehitimu kwa ajili ya hali yako ya kifedha, unaweza kupata uwakilishi wa kisheria bila malipo.

Kliniki ya Wakimbizi ya Halifax 5538 Macara Street Halifax, Nova Scotia Barua pepe: [email protected] Simu: 902 422 6736

Wasiliana na Msaada wa Kisheria wa Ontario (LAO) araka uwezavyo na utume ombi la usaidizi wa kisheria. Ukifaulu, LAO itakulipia ada zako za kisheria na itakupa majina ya mawakili wa kukuwakilisha. Ikiwa LAO itasema hustahiki, unaweza kuomba mapitio ya uamuzi. Ikiwa bado hustahiki, kunaweza kuwa na kliniki nyingine za kisheria ambazo zinaweza kukusaidia. Wakala wa kusaidia wageni anaweza kukuongoza kwenye sehemu nyingine katika jumuiya yako ambapo utapata usaidizi.

Msaada wa Kisheria Ontario

Omba usaidizi wa kisheria kwa kupiga simu: Simu: 416-979-1446 Simu ya bure: 1-800-668-8258

Toronto – Ofisi ya Sheria ya Wakimbizi

20 Dundas Street West Suite 202 Toronto, ON M5G 2H1 Simu: 416-977-8111

Ili kupata wakili wa kibinafsi katika Kisiwa cha Prince Edward, nenda kwa:

Wasiliana na Msaada wa Kisheria wa Quebec – Ofisi ya Sheria ya Uhamiaji haraka iwezekanavyo. Ukifaulu kupata usaidizi wa kisheria, watakusaidia kupata wakili wa kukuwakilisha bila malipo. Kila mkoa huko Quebec una ofisi tofauti za usaidizi wa kisheria. Pata orodha kamili na maelezo ya mawasiliano. Omba usaidizi wa kisheria haraka uwezavyo.

Muda wa kusubiri kupata wakili kupitia msaada wa kisheria ni mrefu sana. Mara nyingi, hutapewa wakili kabla ya tarehe ya mwisho ya kuwasilisha Fomu yako ya BOC.

Unaweza pia kuwasiliana na wakili ambaye anakubali mamlaka ya ofisi ya msaada wa kisheria. Ukimpata, unaweza kupanga ili ofisi ya Usaidizi wa Kisheria walipie ada za wakili huyo. Pata orodha ya mawakili wa uhamiaji wanaokubali mamlaka ya ofisi ya usaidizi wa kisheria.

Msaada wa Kisheria wa Montreal – Ofisi ya Sheria ya Uhamiaji

Simu: 514-849-3671 425 Maisonneuve Boulevard West Suite 400 Montréal

Ikiwa unahitaji usaidizi wa kupata wakili unaweza pia kuwasiliana na:

PRAIDA

Simu: 514-484-7878 35, rue Port Royal Est, Montréal Wako wazi Jumatatu–Ijumaa, 9–5

Kituo cha Wakimbizi – Kliniki ya Kisheria

Simu: 514-846-0005 2107 Saint-Catherine St West #100 Montreal

Wasiliana na Kliniki ya Utetezi ya CLASSIC huko Saskatoon ili utume ombi la usaidizi wa kisheria wa kujaza Fomu yako ya BOC na kuwakilishwa kwenye kikao chako cha mkimbizi. Wanatoa huduma kwa watu walio na mapato ya chini huko Saskatoon. Mwanasheria ataamua ikiwa unstahiki.

Kliniki ya Utetezi ya CLASSIC 123 – 20th Street West Saskatoon, SK  S7M 0W7 Simu:  306-657-6100 Barua pepe:  [email protected]

Usaidizi wa Bure wa Kisheria wa Saskatchewan

Usaidizi wa Bure wa Kisheria wa Saskatchewan ina Kliniki za Kisheria Bila Malipo katika jimbo lote (isipokuwa Saskatoon). Wapigie simu ili kuona kama unastahiki kupata saa moja ya ushauri wa kisheria kutoka kwa wakili bila malipo.

Ikiwa utafaulu, unaweza kukutana na wakili zaidi ya mara moja. Hawatakusaidia kujaza Fomu yako ya BOC au kwenda nawe kwenye kikao chako cha kusikilizwa. Lakini wanaweza kukuelekeza kwa Mpango wa Jopo la Uhamiaji na Wakimbizi ili upate mwanasheria ambaye atakusaidia na hayo.

1650 – 2002 Victoria Avenue Regina, Saskatchewan  S4P 0R7 Simu: 306-569-3098 Simu ya bure: 1-855-833-7257 Faksi: 306-569-2198 Barua pepe: [email protected]

Kufanya kazi na Mwakilishi wako wa Kisheria

Kuchagua mwakilishi wa kisheria ni muhimu sana. Jifunze jinsi mwakilishi wako wa kisheria anapaswa kufanya kazi nawe, nini hafai kufanya, na jukumu lako ni nini. Jua ni nini cha kufanya ikiwa unafikiri mwakilishi wako hafanyi kazi nzuri.

Wajibu wa mwakilishi wa kisheria

Mwakilishi wako wa kisheria anapaswa:

  • Aweke tarehe ya kukutana na wewe kuhusu dai lako, ambapo:
    • atakuambia kuhusu uzoefu wake wa kisheria
    • akuulize kuhusu madai yako na asikilize hadithi yako
    • akuelezee sheria unayohitaji kujua
    • akuambie kuhusu machaguo yako
    • akuambie huu mchakato utachukua muda gani
    • aeleze hatua zinazofuata
  • Akueleze jinsi mtakavyo wasiliana
  • Apokee simu zako na asome na ujibu barua zako pepe
  • Ajibu maswali yako ya kisheria
  • Akuambie ni ushahidi gani unahitaji kwa ajili ya dai lako
  • Akague ushahidi wako na autume kwa IRB-RPD
  • Akutana nawe ili akutayarishe kwa mkutano wako wa kusikilizwa
  • Awatayarishe mashahidi wowote kwa ajili ya kusikilizwa kwako
  • Aonyeshe kwamba yuko tayari kwa kusikilizwa kwako
  • Atafute mkalimani wa mikutano na usikilizaji wako, ikiwa itahitajika
  • Akujulishe ikiwa atafanya makosa
  • Asikilize mawazo yako na ufuate maagizo yako (au ikiwa kubaliani nayo, akueleze kwa nini)
  • Aje kwenye usikilizaji wako wa mkimbizi akiwa yuko tayari na amejiandaa

Jukumu lako kama mteja

Hata kama una mwakilishi wa kisheria, hili bado ni dai LAKO. Jukumu lako kama mteja ni:

  • Mpe mwakilishi wako wa kisheria ushahidi na hati zote atakazoitisha pamoja na taarifa yoyote mpya uliyo nayo. Usitume chochote kwa IRB-RPD bila kuzungumza na mwakilishi wako kwanza.
  • Mjulishe habari yoyote muhimu kuhusu nchi yako
  • Pokea simu zake na usome na ujibu barua zake pepe
  • Soma nyaraka au taarifa zozote watakazokupa.
  • Mpe hati au barua zozote utakazopata kutoka IRCC, CBSA au IRB-RPD.
  • Hakikisha kuwa anajua maelezo yako sahihi ya mawasiliano na mahali pa kuacha ujumbe.
  • Omba msaada unapohitaji.
  • Zungumza kuhusu vitu usivyokubaliana navyo.
  • Kuwa mkweli ili waweze kukusaidia vizuri iwezekanavyo.
  • Weka hati zako kwa mpangilio na uzingatie kazi zozote unazoambiwa ufanye.
  • Usichelewe kuhudhuria mikutano na vikao vyovyote.

Kile ambacho mwakilishi wako wa kisheria hapaswi kufanya

Mwakilishi wako wa kisheria hapaswi:

  • aache kuwasiliana nawe
  • Atume fomu bila jina lake kama mwakilishi wako
  • Akuambie uongo au aache kueka taarifa kwenye hati yoyote
  • Apendekeze utumie hati za uwongo au ushahidi wa uongo
  • Akuambie utie sahihi kwenye fomu tupu au ambayo haijakamilika
  • Kukataa kukueleza wanachofanya, kujibu maswali yako, au kukupa nakala za hati na fomu zako
  • Kukataa kufanya unachouliza bila sababu za msingi
  • Kuwa na tabia isiyostahiki (kwa mfano, kuwa mkorofi au kukosa subira na wewe)
  • Kukuahidi kwamba utafaulu katika dai lako la ukimbizi. Ni IRB-RPD pekee ndiyo huamua kama utabaki Kanada. Kuwa mwangalifu wakisema kuwa “wanamjua mtu” katika IRCC, IRB-RPD, au kwenye ofisi ya balozi wa Kanada.

Wasiwasi kuhusu mwakilishi wako wa kisheria

Unaweza kuwa na wasiwasi kwamba mwakilishi wako wa kisheria hafanyi kazi yake ipasavyo. Ikiwa unaweza, jaribu kuzungumza nae ili kutatua tatizo. Ikiwa hii haitasaidia:

  • Ikiwa una wakili wa msaada, wasiliana na ofisi ya usaidizi wa kisheria iliyo karibu nawe. Wakati mwingine watakuruhusu ubadilishe wakili wako wa msaada ikiwa una sababu nzuri. Iwapo watakuruhusu ubadilishe wakili, ni lazima umuandikie wakili wako umwambie ili atume hati zako kwa wakili mpya.
  • Ikiwa mwakilishi wako anafanya kazi katika kampuni, mwombe msimamizi wao akusaidie.
  • Wasiliana na shirika la kitaaluma la mwakilishi wako kwa usaidizi.

Kujiwakilisha mwenyewe

Ikiwa huwezi kupata mwakilishi wa aina yoyote, lazima ujifanyie fomu yako ya BOC, na uende kwenye kikao chako.

Ikiwa huna msaada wa kisheria:

Fanya kazi na Mkalimani wako

Ikiwa huna uzoefu wa kuzungumza kwa Kiingereza au Kifaransa unaweza kuhitaji mkalimani wa kukusaidia kuwasiliana wa watu. Ni muhimu kuwa na mkalimani ili uelewe kile kinachotokea wakati wa dai lako la ukimbizi. Baadhi ya mifano ya wakati unaweza kuhitaji mkalimani ni:

  • Wakati unakutana na mwakilishi wako wa kisheria
  • Wakati wa mahojiano na IRCC au CBSA
  • Kwenye kikao chako cha IRB-RPD

Ikiwa una wakili wa msaada, kliniki yake inaweza kulipia tafsiri kwa kiwango fulani. Ikiwa utaajiri wakili wa kibinafsi, itabidi ulipe ada hizo mwenyewe. Katika hali nyingine, kliniki za kusaidia watu kisheria bila malipo, rafiki yako, au mtu wa kujitolea anaweza kukusaidia na kukutafsiria.

Unaweza kuwa na mkalimani wa kitaalamu anaeongea lugha yako bila malipo kwenye kikao chako cha mkimbizi. IRB-RPD itachagua mkalimani atakae tumika, huwezi kuchagua wewe. Wakalimani wote wa IRB-RPD wamefunzwa na wana uzoefu wa kutafsiri mikutano ya kusikilizwa kwa wakimbizi.

Kile ambacho mkalimani wako anapaswa kufanya

Jukumu kuu la mkalimani ni kuhakikisha kila mtu anaweza kuelewana vizuri.

Wakalimani wanapaswa:

  • Tafsiri kwa usahihi au kwa karibu iwezekanavyo. Hawapaswi kuongeza chochote au kuacha kitu chochote nje.
  • Wasionyeshe kamwe ikiwa wanakubaliana au hawakubaliani na kitu chochote.
  • Weka siri kila kitu kinachosemwa.

Mkalimani wako hatakiwi: 

  • Kukupa ushauri wa kisheria au kueleza mambo bila kwanza kupata ruhusa kutoka kwa anayezungumza.
  • Kusema kile wanachofikiri ulimaanisha, au kufupisha au kufafanua unachosema.

Ikiwa unafikiri mkalimani amefanya makosa au ikiwa huelewi kitu, mwambie mwakilishi wako wa kisheria, Mwanachama, au afisa.

Mapitio ya kisheria na: Ruth Williams, Lawyer, Legal Aid Alberta, May 2024
Ufasiri umefanywa na Exchange Language Services (ELS)