کینیڈا میں پناہ گزینی کے تحفظ کو سمجھیۓ

پناہ گزین کون ہوتا ہے؟

کینیڈین حکومت کا کہنا ہے کہ اگر آپ اپنے ملک میں محفوظ نہیں ہیں تو آپ پناہ گزین ہیں۔ اگر آپ واپس جاتے ہیں، تو اپ کو اپنی شناخت یا اپنے اعتقادات کی بنا پر نقصان پہنچایا جا سکتا ہے یا آپ اپنی آزادی سے محروم ہو سکتے ہیں۔ اس لیۓ آپ کو کہیں اور رہنا چاہیے۔

کینیڈا میں پناہ گزینی کے تحفظ کا مطالبہ کرنا پناہ گزینی کا دعویٰ کرنا کہلاتا ہے۔خواہ آپ کے ملک میں آپ کے ساتھ برا سلوک کیا گیا یا وہ ایک خطرناک جگہ ہو، ایسا ہو سکتا ہے کہ آپ کو کینیڈا میں رہنے کی اجازت نہ دی جاۓ۔ آپ کا یہ ظاہر کرنا ضروری کہ آپ کنوینشن رفیوجی یا تحفّظ کے ضرورت مند شخص ہیں۔

کنونشن پناہ گزین

کنونشن پناہ گزین ہونے کے لیے، یہ چھ جملے آپ کے لیے درست ہونے چاہئیں:

• اگر میں اپنے ملک واپس آیا تو میرے ساتھ بہت برا سلوک کیا جائے گا
• میرے ساتھ برا سلوک اس لیۓ کیا جاۓ گا کہ میں کون ہوں یا میں کیا مانتا ہوں
• میں حقیقت میں واپس جانے سے ڈرتا ہوں
• میرے پاس اپنے ملک میں رہنے کے ڈر کی معقول وجہ ہے
• میری حکومت میری حفاظت نہیں کر سکتی
• میں ملک کے کسی دوسرے حصے میں محفوظ یا معقول طریقے سے نہیں رہ سکتا

تحفظ ا ضرورت مند شخص

"تحفظ کا ضرورت مند شخص” ہونے کے لیے، آپ کو یہ ظاہر کرنا چاہیے کہ 1 یا 2 سچ ہے:

1. اگر میں اپنے ملک واپس جاؤں گا، تو امکان ہے کہ جن لوگوں کے پاس طاقت ہے وہ مجھ پر تشدد کریں گے

یا

2. اگر میں اپنے ملک واپس حاؤں تو میں مر سکتا ہوں یا سفّاکانہ سلوک یا سزا کا سامنا کر سکتا ہوں،

اور

• میری حکومت میری حفاظت نہیں کر سکتی,
• میں ملک کے کسی دوسرے حصے میں محفوظ یا معقول طریقے سے نہیں رہ سکتا،
• مجھے خطرہ ہے لیکن میرے ملک میں ہر کسی کو یہ خطرہ نہیں ہے،
• مجھے صرف اس لیے خطرہ نہیں ہے کہ میرا ملک مجھے ایسے کام کرنے کی سزا دینا چاہتا ہے جو کینیڈا میں جرم ہے، اور
• مجھے صرف اپنے ملک میں صحت کی خراب سہولیات کی وجہ سے خطرہ نہیں ہے۔

زید معلومات کے لیے قانونی تعریفوں کو سمجھیں دیکھیں

کیا میں پناہ گزینی کا دعویٰ کر سکتا ہوں؟

کینیڈین حکومت فیصلہ کرے گی کہ آیا آپ پناہ گزینی کا دعویٰ کر سکتے ہیں۔ یہ سمجھنا ضروری ہے کہ کون دعویٰ کر سکتا ہے۔ پناہ گزینی کے تحفظ کا مطالبہ کرنے سے پہلے قانونی مشورہ حاصل کریں۔

کس کو اجازت نہیں ہے

آپ کو کینیڈا میں پناہ گزینی کا دعوی کرنے کی اجازت نہیں دی جا سکتی ہے اگر:

• آپ کسی دوسرے ملک میں کنونشن پناہ گزین ہیں جہاں آپ جا سکتے ہیں
• آپ نے امریکہ، برطانیہ، آسٹریلیا، یا نیوزی لینڈ میں پناہ گزینی کا دعویٰ کیا ہے
• آپ کو کینیڈا نے پہلے ہی بتا دیا تھا کہ آپ پناہ گزینی کا دعویٰ نہیں کر سکتے۔
• آپ نے کینیڈا میں پناہ گزینی کا دعویٰ کیا تھا جسے واپس لے لیا گیا، چھوڑ دیا گیا یا مسترد کر دیا گیا تھا۔
• آپ کی شناخت خطرناک یا مجرم کے طور پر ہوئی ہے، یا آپ نے انسانی حقوق کے قوانین کو توڑا ہے
• آپ کو پہلے ہی کینیڈا میں ایک محفوظ شخص کی حیثیت دی گئی تھی
• آپ کو کینیڈا نے ملک چھوڑنے کا حکم دیا تھا
• امریکہ-کینیڈا کی زمینی سرحد پر، آپ محفوظ تیسرے ملک معاہدے (STCA) کی وجہ سے داخل نہیں ہو سکتے

محفوظ تیسرے ملک معاہدے/ سیف تھرڈ کنٹری ایگریمنٹ (STCA)

اگر آپ امریکہ سے کینیڈا میں داخل ہوتے ہیں، تو کینیڈا اور امریکہ کے درمیان ایک معاہدہ جسے سیف تھرڈ کنٹری ایگریمنٹ (STCA) کہتے ہیں، پناہ گزینی کے تحفظ کا مطالبہ کرنا مشکل بنا دیتا ہے۔ معاہدہ کہتا ہے کہ آپ اپنا پناہ گزینی کا دعویٰ پہلے محفوظ ملک میں کریں جس میں آپ داخل ہوں۔ STCA آپ پر لاگو ہوگا اگر آپ سرکاری سرحدی کراسنگ سے کینیڈا میں داخل ہوتے ہیں، یا اگر آپ سرکاری سرحدی کراسنگ کے درمیان کینیڈا میں داخل ہوتے ہیں اور آپ ملک میں داخل ہونے کے 14 دنوں کے اندر پناہ گزینی کا دعویٰ کرتے ہیں۔

اگر آپ زمینی راستے سے کینیڈا جاتے ہیں، تو آپ پناہ گزینی کا دعویٰ صرف اس صورت میں کر سکتے ہیں اگر:

• آپ کے خاندان کا ایک فرد کینیڈا میں ہے
• آپ 19 سال سے کم عمر کے بچے ہیں، اکیلے سفر کر رہے ہیں، اور امریکہ میں آپ کے والدین یا قانونی سرپرست نہیں ہیں
• آپ کے پاس کینیڈا کا درست ویزا، یا مطالعہ یا ورک پرمٹ ہے
• آپ کو امریکہ یا آپ کے ملک میں مجرمانہ سزائے موت کا سامنا ہے
• اگر آپ بے وطن ہیں
• آپ امریکہ کے شہری ہیں

ایک سرحدی اہلکار آپ سے یہ دیکھنے کے لیے سوالات پوچھے گا کہ آیا آپ ان میں سے کسی ایک استثناء کے لیے اہل ہیں یا نہیں۔ اگر آپ اہل ہیں، تو آپ کو کینیڈا میں داخل ہونے کی اجازت ہوگی۔ اگر آپ مستثنیات میں سے کسی ایک کے لیے اہل نہیں ہیں، تو آپ کو واپس امریکہ بھیجا جا سکتا ہے۔ اگر ممکن ہو تو، اپنے وکیل یا قانونی نمائندے سے کینیڈا میں رہنے کی کوشش کرنے کے دوسرے طریقوں کے بارے میں بات کریں۔

مزید معلومات کے لیے محفوظ تیسرا ملک معاہدہ  دیکھیں

پناہ گزینی کے دعوے کے عمل کا جائزہ

کینیڈا میں رہنے کے لیے، آپ کو حکومت کو دکھانا ہوگا کہ آپ وہی ہیں جسے کینیڈا پناہ گزین کہتا ہے۔ اس کا مطلب ہے کہ آپ کا یہ ظاہر کرنا ضروری ہے کہ آپ ایک کنوینشن رفیوجی یا تحفّظ کے ضرورت مند شخص ہیں۔ اگر آپ کی ایک سے زیادہ ممالک میں حیثیت ہے، تو آپ کو یہ ظاہر کرنا چاہیے کہ آپ کو ہر ایک میں خطرہ ہے۔ آپ کو یہ بھی واضح کرنا ہو گا کہ جو آپ کہہ رہے ہیں آپ ہیں اور جو آپ کی کہانی ہے وہ سب سچ‎ ہے۔ آپ یہ کر سکتے ہیں اگر آپ شواہد جمع کرکے، ‎ایمانداری سے واضح طور پر تفصیل سے بتایئں کہ آپ کے ساتھ کیا ہوا تھا۔

اپنا پناہ گزینی کا دعوی شروع کریں

پناہ گزینی کا دعویٰ کرنے کا پہلا قدم یہ ہے کہ کینیڈا کی حکومت کو یہ بتانا ہے کہ آپ تحفظ چاہتے ہیں۔ ایسا کرنے کے دو طریقے ہیں۔ آپ کا کینیڈا میں ہونا ضروری ہے

• اگر آپ کینیڈا کے اندر ہیں: اپنی آن لائن درخواست کو IRCC پورٹل پر مکمل کریں اور جمع کرائیں۔
• اگر آپ سرحد، ہوائی اڈے، یا حراستی مرکز پر ہیں:CBSA افسر کو بتائیں کہ آپ پناہ گزینی کا دعویٰ کرنا چاہتے ہیں

CBSA یا IRCC فیصلہ کرتا ہے کہ آیا آپ کو کینیڈا میں پناہ گزینی کا دعویٰ کرنے کی اجازت ہے۔ اگر آپ کر سکتے ہیں، تو وہ آپ کا دعویٰ IRB-RPD کو بھیج دیتے ہیں

مزید معلومات کے لیے اپنا پناہ گزینی کا دعوی شروع کریں  کے سیکشن کو دیکھیں۔

آپ کے پناہ گزینی کے دعوے کی سماعت

آپ کے دعوے کی سماعت ہوگی۔ آپ کی سماعت پر، IRB-RPD ( ممبر) کا ایک رکن آپ کی کہانی اور آپ کے گواہوں کی باتیں سنتا ہے۔ وہ آپ کا BOC فارم IRCC یا CBSA کے نوٹس، اور جو کچھ بھی آپ نے انہیں دیا ہے ان کا جائزہ  لیتے ہیں

مزید معلومات کے لیے آپ کی پناہ گزینی کی سماعت میں دیکھیں۔

آپ کے پناہ گزینی کے دعوے کی سماعت کے بعد

آپ کی سماعت کے بعد، IRB-RPD آپ کو بتاتا ہے کہ آیا آپ کا پناہ گزینی کا دعویٰ قبول کر لیا گیا ہے۔ اگر اسے قبول کر لیا جاتا ہے، تو آپ مستقل رہائشی (پرماننٹ ریزیڈینٹ)   بننے کے لیے درخواست دے سکتے ہیں۔ اگر آپ کا دعوی مسترد ہو جاتا ہے، تو آپ اپیل کر سکتے ہیں (جائزہ طلب کریں)۔ اپنے اختیارات کے بارے میں جانیں کسی وکیل یا قانونی نمائندے سے بات کریں۔

مزید معلومات کے لیے آپ کی سماعت کے بعد دیکھیں

IRCC کا کردار

IRCC کینیڈا کے امیگریشن پروگراموں کے انتظام کے لیے ذمہ دار ہے

اگر آپ اپنا پناہ گزینی کا دعویٰ کینیڈا کے اندر شروع کرتے ہیں، تو آپ اپنی درخواست IRCC کو جمع کراتے ہیں

IRCC فیصلہ کرے گا کہ آیا آپ کا دعویٰ ریفر کیے جانے کا اہل ہے۔ اگر آپ کا دعویٰ اہل ہے، تو وہ اسے  IRB-RPD کو بھیج دیں گے۔

IRCC کی باقی ذمہ داریاں یہ ہیں:

• ورک پرمٹس
• عبوری وفاقی صحت بیمہ (انٹیرم فیڈرل ہیلتھ انشورنس)
• مستقل رہائش کی درخواستیں
• پناہ گزینوں کے تحفظ کی شناختی دستاویز (RPID) / Refugee Protection Identity Document (RPID)

CBSA کا کردار

CBSA کینیڈا کے امیگریشن قوانین کو نافذ کرنے کا ذمہ دار ہے

اگر آپ داخلے کی گزرگاہ (زمینی سرحد، ہوائی اڈے، یا بندرگاہ) یا حراستی مرکز سے اپنا پناہ گزینی کا دعویٰ شروع کرتے ہیں، تو آپ CBSA افسر کو بتاتے ہیں کہ آپ دعویٰ کرنا چاہتے ہیں۔

آپ سے بات کرنے کے بعد، CBSA فیصلہ کر سکتا ہے کہ آپ کا دعویٰ ریفر کیے جانے کا اہل ہے۔ وہ آپ کو بتاتے ہیں کہ آپ اپنا دعوی کیسے شروع کریں۔ اس کے بعد CBSA آپ کا دعویٰ IRB-RPD کو بھیج دے گا۔

CBSA:

• کینیڈا کی سرحدوں کو کنٹرول کرتا ہے اور فیصلہ کرتا ہے کہ کون کینیڈا میں داخل ہو سکتا ہے
• پناہ گزینی کے ان دعویداروں کو برطرف کرتا ہے جو کینیڈا میں نہیں رہ سکتے

CBSA آپ کو حراستی مرکز میں رکھ سکتا ہے اگر:

• وہ اس بات کا یقین نہیں کر سکتے کہ آپ کون ہیں،
• انہیں یقین ہے کہ آپ خطرناک ہیں، یا
• انہیں یقین ہے کہ آپ امیگریشن قوانین پر عمل نہیں کریں گے۔

اگر آپ کو حراستی مرکز میں رکھا جاتا ہے، تو آپ کو وکیل یا قانونی نمائندے کا حق حاصل ہے۔ آپ کی نظر بندی کا جائزہ لینے اور فیصلہ کرنے کے لیے باقاعدہ سماعتیں ہوں گی کہ آیا آپ کو رہا کیا جا سکتا ہے۔

مزید معلومات کے لیے دیکھیں کہ اگر آپ کو حراست میں لیا گیا ہے

IRB کا کردار

IRB امیگریشن اور پناہ گزینوں کے معاملات پر فیصلے کرنے کا ذمہ دار ہے۔

IRCC یا CBSA کے فیصلہ کرنے کے بعد آپ پناہ گزینی کا دعویٰ کر سکتے ہیں وہ آپ کا دعویٰ IRB کو بھیج دیں گے۔ IRB اہم سرکاری ایجنسی ہے جو آپ کے پناہ گزینی کے دعوے کا جائزہ لینے اور فیصلہ کرنے کی ذمہ دار ہے۔ IRB کا رفیوجی پروٹیکشن ڈویژن (RPD) فیصلہ کرتا ہے کہ اگر آپ کینیڈا میں پناہ گزینی کا تحفظ حاصل کر سکتے ہیں۔

IRB-RPD:

• آپ کا  بنیادی کلیم (BOC) فارم اور آپ کے دیگر دستاویزات اور شواہد پڑھتا ہے
• آپ کی پناہ گزینی کی سماعت کرتا ہے
• فیصلہ کرتا ہے کہ آیا آپ کے پناہ گزینی کے دعوے کو قبول کرنا ہے یا نہیں

IRB کے تین اور حصے ہیں۔ آپ ان سے بھی وابستہ ہو سکتے ہیں:

• ریفیوجی اپیل ڈویژن (RAD)
• امیگریشن ڈویژن (ID)

• امیگریشن اپیل ڈویژن (IAD)

اپنا پتہ اپ ٹو ڈیٹ رکھیں

IRB-RPD کے ساتھ اپنا پتہ تبدیل کریں

اگر آپ کا کوئی قانونی نمائندہ ہے:
اگر آپ کا پتہ، فون نمبر، یا ای میل تبدیل ہو جائے تو فوراً اپنے قانونی نمائندے کو بتائیں۔ وہ ‘مائی کیس’ (My Case) کے ذریعے آپ کی معلومات IRB-RPD میں اپ ڈیٹ کریں گے۔

اگر آپ خود نمائندگی کر رہے ہیں: 

نوٹیفکیشن آف کلائنٹ کانٹیکٹ انفارمیشن فارم  کو پُر کریں۔  مائی کیس (My Case) کو استعمال کرتے ہوئےفارم کو IRB-RPD کو جمع کروائیں۔ اگر آپ کے پاس ابھی تک مائی کیس نہیں ہے، تو فارم کو ای میل کے ذریعے بھیجیں۔ 

IRCC کے پاس اپنا پتہ تبدیل کریں

IRCC کے پاس اپنا پتہ تبدیل کرنے کے لیے، ویب فارم پر جائیں اور اپنا نیا پتہ ڈالنے کے لیے اقدامات پر عمل کریں۔

ویب فارم کو بھرنے کے لیے تجاویز:

• جہاں یہ لکھا ہے "درخواست کی قسم/انکوائری”وہاں "رابطے کی معلومات کی تبدیلی”کو منتخب کریں
• اپنا UCI نمبر اپنے پناہ گزینی کے تحفظ کے دعویدار کی دستاویز یا IRCC کے بھیجے گۓ کسی بھی خط پر تلاش کریں۔

CBSA کے ساتھ اپنا پتہ تبدیل کریں

اگر CBSA آپ کے پناہ گزینی کے دعوے میں شامل ہے تو آپ کو ان کے ساتھ اپنی رابطہ کی معلومات سے آگاہ رکھنے کی ضرورت ہے۔ ایک افسر آپ کو ہدایات دے گا کہ اگر آپ کے رابطہ کی معلومات میں تبدیلی آتی ہے تو CBSA کو کیسے اور کہاں اپ ڈیٹ کرنا ہے۔