Baada ya Ombi lako Kusikizwa

Je, nitafanya nini ikiwa Waziri atakata rufaa dhidi ya ombi langu?

Waziri anaweza kutaka uamuzi wa IRB-RPD wa dai lako upitiliwe. Hii ina maanisha kwamba Waziri amekata rufaa dhidi ya uamuzi wa ombi lako kukubaliwa. Ili Waziri aweze kukata rufaa, lazima aonyeshe kwamba IRB-RPD ilifanya makosa katika uamuzi wa dai lako la ukimbizi.

Ikiwa Waziri atakata rufaa ndani ya siku 15 ya ombi lako kukubaliwa, unapaswa kusimamisha ombi lako la makazi ya kudumu.

Ikiwa Waziri atakata rufaa dhidi ya uamuzi wa ombi lako, utajulishwa na utapata fursa ya kujibu. Unapojibu, utahitajika utoe sababu za kueleza ni kwa nini hukubaliani na rufaa hiyo ya Waziri.

Ili kujibu rufaa, wewe au mwakilishi wako wa kisheria mtalazimika:

• Kutayarisha Taarifa ya Nia ya Kujibu Rufaa.
• Tayarisha Rekodi ya Mhojiwa inayoeleza sababu  zinazofanya hukubaliani na rufaa pamoja na hati zozote za kukusaidia.
• Tuma chapa ya hati hizi mbili kwa Waziri na pia kwa ofisi ya IRB-RAD iliyoko katika eneo lako kwa kutuma barua, barua pepe au faksi. Ikiwa una mwakilishi wa kisheria, ataweza kuzituma hati hizi kwa niaba yako.
• Toa uthibitisho kwa IRB-RAD kwamba umetuma hati zako kwa Waziri.

Baada ya kujibu rufaa kwa kutuma hati zinazohitajika, IRB-RAD kwa kawaida huwa itafanya uamuzi wao bila ya kufanya kikao cha kukusikiliza. Wakati mwengine, Waziri anaweza kusema kuwa ni lazima kesi isikilizwe tena.

IRB-RAD itafanya mojawapo ya maamuzi yafuatayo:

• Wanaweza kukubaliana na uamuzi wa IRB-RPD. Hii inamaanisha kuwa uamuzi wa kukubali ombi lako utabakia.
• Wasikubaliane na uamuzi wa IRB-RPD, na waubadilishe uamuzi huo.
• Kurejesha kesi yako kwa IRB-RPD ili kesi yako isikilizwe upya.

Kusafiri nje ya nchi ya Kanada

Ikiwa unapanga kusafiri nje ya nchi ya Kanada baada ya kupewa hadhi ya mkimbizi au kuwa mtu aliyelindwa, lazima utume ombi kwa ofisi ya Pasipoti ya Kanada ili upate Hati ya Wakimbizi ya Kusafiri. Ikiwa Waziri amekata rufaa dhidi ya ombi lako, usitoke nje ya nchi ya Kanada.

Anza ombi lako

Unaweza kutuma ombi lako kwenye mtandao kutumia Tovuti ya Makazi ya Kudumu au kwa kutuma barua.

Jinsi ya kuanza ombi lako kwenye Tovuti ya Makazi ya Kudumu au PR

• Tengeza akaunti yako
• Ingia kwenye akaunti yako
• Chagua haya yafuatayo kwenye orodha itakayofuata:
  • Mpango unaotumia kutuma ombi: “Makazi ya Kudumu, pamoja na Makazi Mapya ya Wakimbizi”.
  • Mpango ambao unataka kuomba (2): “Mkimbizi”.
  • Kitengo ambacho unatuma ombi lako: Nchini Kanada – “Mtu Aliyelindwa”.
• Jaza maelezo yako kwenye wasifu wako halafu ujaze wasifu wa familia yako.
• Bonyeza “Hifadhi na Endelea”.

Tayarisha hati zako

Ili kutuma ombi, lazima uandae:

• Orodha ya hati zinazohitajika (IMM 5286 E)
• Fomu ya Kawaida ya Kutuma Ombi ya Kanada (IMM 0008)
• Watu wanaokutegemea/Maelezo ya Ziada (IMM 0008DEP-E)
• Watu Waliolindwa na Wakimbizi wa Mkataba wa Wakimbizi (IMM 0008: Schedule 14)
• Historia yako/Habari za Ziada (IMM 5669 E : Schedule A)
• Maelezo ya Ziada ya Familia (IMM 5406 E)
• Matumizi ya Mwakilishi (IMM 5476 E)
• Nakala ya Taarifa ya Uamuzi ambayo yakupa hadhi ya Mkimbizi wa Mkataba au Mtu Aliyelindwa nchini Kanada
• Picha moja ya pande mbili ya dijitali iliyopigwa hivi majuzi (picha ya pasipoti iliyopigwa muhuri nyuma na duka la kupiga picha)
• Nakala za hati zako za kitambulisho ambazo zilichukuliwa kutoka kwako:
  • pasipoti (hata kama muda wake umeisha),
  • Hati za usafiri,
  • cheti cha kuzaliwa kilichotafsiriwa, na
  • hati nyingine zozote za utambulisho kama vile cheti cha ndoa kilichotafsiriwa.

Watu wanaokutegemea na watu wa familia yako

Kama una watu wanaokutegemea ndani au nje ya Kanada, lazima ujaze fomu tofauti za kila mmoja wao. Lazima utayarishe:

• Orodha ya Hati Zinazohitajika (IMM 5286 E)
• Fomu ya Kawaida ya Maombi ya Kanada (IMM 0008 E)
• Watu Waliolindwa na Wakimbizi wa Mkataba wa Geneva (IMM 0008: Schedule 14)
• Historia yako/Habari za kujitolea (IMM 5669 E : Schedule A)
• Maelezo ya ziada ya familia yako (IMM 5406 E)
• Matumizi ya Mwakilishi (IMM 5476 E), kama ulitumia mwakilishi
• Picha moja ya pande mbili ya dijitali (picha ya pasipoti)
• Nakala za pasipoti zao, hati za kusafiria, au hati za kitambulisho
• Nakala za hati zinazothibitisha jinsi munavyohusiana, kama vile vyeti vya kuzaliwa, vyeti vya ndoa, au vyeti vya kuthibitisha ndoa isiyo rasmi (Fomu 5409)

Katika ombi lako, lazima uwajulishe IRCC iwapo una mume au mke au jamaa yoyote anayekutegemea uliyempata baada ya kuwasili katika nchi ya Kanada.

Huenda usijue mahali baadhi ya watu wa familia yako walipo, lakini bado unaweza kuwaorodhesha katika ombi lako. Ukipata makazi ya kudumu au PR, watakuwa na muda wa mwaka mmoja ili kutuma maombi yao ya makazi ya kudumu. Mtu ambaye IRCC inamchukulia kuwa mwana familia yako pekee ndiye anayeweza kufanya hivi. Watu ambao unawachukulia kama familia lakini si ndugu wa asili hawawezi kufanya hivi. Ongea na wakili ikiwa una jamaa ambao si ndugu wa damu.

Tafsiri hati zako

Ikiwa una hati yoyote (pamoja na mihuri yoyote) ambayo haijaandikwa kwa lugha ya Kiingereza au Kifaransa, lazima utume:

• Tafsiri ya Kiingereza au Kifaransa. Tazama tovuti ya IRCC ili ufuate mahitaji yao ya kutafsiri hati.
• Ikiwa huwezi kupata mtafsiri aliyeidhinishwa atafsiri hati zako za kitambulisho, unaweza kutumia mfasiri ambaye hajaidhinishwa. Ikiwa utafanya hivi utahitaji:
  • hati ya kiapo kutoka kwa mtu aliyefanya tafsiri hiyo, na
  • nakala ya hati asili iliyothibitishwa. Ni lazima iwe imethibitishwa nchini Kanada na mthibitishaji rasmi, kamishna wa viapo, au kamishna wa kuapisha watu viapo.

Lipa ada

Ni lazima ulipe ada ukiwa unatuma ombi lako au la familia yako la makazi ya kudumu (PR). Utalipa ada kwenye mtandao. Ili kulipa ada mtandaoni utahitaji:

• Barua pepe ya kufungua akaunti yako pamoja na neno la siri
• Uwepo wa kompyuta ili uhifadhi risiti yako
• Uwepo wa mashine ya kuchapa picha (ili uweze kuchapisha risiti), na
• Kadi ya Mkopo, au Kadi ya benki ya Mastercard, au ya Visa.

Ukiwa uko tayari kulipa:

• Nenda kwa sehemu ya Malipo ya Mtandaoni.
• Fuata maagizo yote
  • Ukifika mwisho, bofya sehemu ya kuchapisha risiti rasmi ya IRCC iliyo na msimbo upau.
  • Tengeneza chapa mbili
  • Hifadhi nakala moja kwenye kompyuta yako.
  • Jitumie nakala moja kwenye barua yako ya pepe
  • Weka nakala ya risiti hii uliyochapisha pamoja na maombi yako.
  • Hifadhi nakala za risiti zitakazobakia kwenye rekodi zako.

Alama za vidole

Ikiwa utahitaji kutuma alama za vidole, baada ya kutuma ombi la kuwa mkazi wa kudumu na kulipa ada za kuchukuliwa alama za vidole, utatumiwa Barua ya Masharti ya Kuchukuliwa Alama za Vidole (BIL). Barua hii itakujulisha kwamba muda umefika wa kwenda kuchukuliwa alama za vidole. Pia, barua hii itakuwa na tovuti ya sehemu za ofisi za Huduma za Kanada ambapo utaweza kwenda kuchukuliwa alama zako za vidole ndani ya nchi ya Kanada pamoja na nje ya nchi.

Nenda uchukuliwe alama zako za vidole haraka iwezekanavyo. Ombi lako halitaenda mbele mpaka alama zako za vidole zitumwe.

Tuma ombi lako

Unaweza kutuma ombi lako na kutuma fomu zako kupitia Tovuti ya Makazi ya Kudumu.

Unaweza pia kutuma ombi lako la karatasi kwa IRCC kwa kuwatumia barua:

Anwani ya barua

Protected Persons in Canada application Box 12153 STN A Sydney, NS B1P 0L1

Anwani ya barua

Protected Persons in Canada application 3050 Wilson Avenue New Waterford, NS B1H 5V8

Hatua za mwisho

Iwapo utawasilisha taarifa na hati zinazohitajika kama ipasavyo kwenye ombi lako la madai ya ukazi wa kudumu (PR), utapokea barua kutoka kwa IRCC ambayo itakuambia ikiwa umekubaliwa kuwa mkazi wa kudumu au la.

Kitambulisho chako cha PR kitatumwa kwenye barua. Ni muhimu kuhakikisha kwamba IRCC wana anwani yako ya sahihi ili uipate barua hii!

Wakati mwingine, IRCC itataka kukuhoji. Huenda wakataka uthibitishe ukweli wa maelezo au uwatumie maelezo zaidi. Baada ya IRCC kupata kile wanachohitaji, utaweza kupata jibu la ombi lako la makazi ya kudumu (PR) katika mahojiano yako ya mwisho.

Je, ninaweza kupoteza hadhi yangu ya uhamiaji nchini Kanada baada ya kupata ulinzi wa wakimbizi?

IRCC au CBSA inaweza kutuma maombi kwa IRB-RPD ili hadhi yako ya Mkimbizi wa Mkataba wa Geneva au Mtu Aliyelindwa iondolewe.

Unaweza kupoteza hadhi yako ya usafiri nchini Kanada kwa sababu Waziri wa IRCC au CBSA:

• anaamini kwamba ulitoa ushahidi usio wa kweli au kwamba ulificha mambo muhimu.
• anaamini kwamba umepata ulinzi au uraia katika nchi nyingine. Sababu zinaweza kuwa:
  • Ulichagua kukubali ulinzi kutoka kwa nchi yako. Huenda umetuma maombi ya kupata pasipoti mpya kutoka kwa nchi yako, umetumia pasipoti yako ya zamani, au umesafiri kurudi nchini kwako.
  • Ulipoteza uraia katika nchi yako na kisha ukachagua kutuma ombi la kuupata uraia wako tena baada ya kupata hadhi ya ukimbizi nchini Kanada.
  • Ulipata uraia (na ulinzi) katika nchi nyengine mpya.
  • Ulichagua kurudi kuishi katika nchi yako.
• Anaamini kwamba sababu zilizofanya ukaomba ulinzi zimetoweka na hauko tena hatarini katika nchi yako. Ikiwa hivi, unaweza kuwa na uwezo wa kuonyesha kuwa bado kuna sababu kubwa zinazofanya uwe huwezi kurudi kwenye nchi yako.

Ikiwa IRCC au CBSA ina sababu za kuamini haya, IRB-RPD wanaweza kukuita kwa mkutano wa kusikilizwa.

Dumisha hali yako ya ukimbizi nchini Kanada

Kuna njia kadhaa za kulinda hadhi yako ya ukimbizi nchini Kanada:

Matumizi ya pasipoti na kusafiri:

• Usitume ombi la kupewa pasipoti mpya au kuongezewa mda kwa pasipoti yako kutoka nchi yako yeyote ya zamani.
• Usitumie pasipoti yako ya zamani kusafiri kwenda nchi yoyote kwa madhumuni yoyote.
• Ikiwa unahitaji kusafiri, tuma ombi la Hati ya Kusafiri ya Wakimbizi.
• Usitembelee nchi yako au nchi zako za awali.

Kudumisha uaminifu katika mchakato wako wa kudai ukimbizi:

• Hakikisha kwamba kila kitu unachosema au kutoa kwa IRB-RPD kwa ajili ya kusikilizwa kwa ombi lako la wakimbizi ni kweli na sahihi.
• Usitie chumvi au kupunguza uzito wa ushahidi.
• Usifiche IRB-RPD maelezo yoyote muhimu kuhusu dai lako.
• Usichukue ushauri wa kisheria kutoka kwa watu wasio na ujuzi wa sheria au kutoka kwa mtu yeyote anayekuambia useme uwongo.

Uraia:

• Fikiri kwa makini kabla ya kutuma ombi la uraia katika nchi nyingine kwa sababu inaweza kuhatarisha uwezo wako wa kukaa Kanada.
• Omba uraia wa Kanada haraka uwezavyo. Kabla ya kutuma ombi, zungumza na mwakilishi wa kisheria.

Kitendo cha uhalifu

• Usifanye uhalifu. Kwa makosa fulani makubwa, Kanada inaweza kumwondoa mdai wa ukimbizi, mtu aliyelindwa, au hata mkaazi wa kudumu. Ikiwa unahusika katika mahakama ya uhalifu, mjulishe wakili wako hali yako ya uhamiaji. Waulize mawakili wa uhalifu na wakili wa uhamiaji jinsi kupatikana na hatia kunaweza kuathiri hali yako ya uhamiaji. Mwambie wakili wako wa uhalifu awasiliane na wakili wako wa uhamiaji ili wote wawili wakusaidie.

Anayestahiki kukata rufaa

Wadai wa ukimbizi wengi wanaweza kukata rufaa (kuomba ombi lao lipitiwe) kwa IRB-RAD ikiwa dai lao la ukimbizi limekataliwa na IRB-RPD. IRB-RAD itakuambia ikiwa unaweza kukata rufaa.

Huenda usiweze kukata rufaa kwa IRB-RAD ikiwa:

• Uliondoa dai lako au ulitelekeza dai lako la ukimbizi.
• Uamuzi wa kukataa ombi lako wa IRB-RPD unasema kuwa dai lako halina msingi wa kuaminika au si la kweli.
• Uliingia Kanada kupitia mpaka wa nchi ya  Marekani kwa kutumia mojawapo ya vighairi chini ya  Makubaliano ya Nchi ya Tatu Salama.
• Wewe ni raia wa kigeni aliyeteuliwa.
• IRB-RPD ilikupa ulinzi wa wakimbizi halafu ikauondoa

Ikiwa huruhusiwi kukata rufaa kwa IRB-RAD, unaweza kuwasilisha ombi la Uhakiki wa Mahakama kwa Mahakama ya Shirikisho la Kanada ili wakague dai lako. Muulize wakili ni hatua gani unapaswa kuchukua.

Anza Taarifa yako ya Kukata Rufaa

Ili kuanza mchakato wa kukata rufaa, lazima:

• Ujaze fomu yako ya Taarifa ya Kukata Rufaa.
• Wataje watu wote unaowafanyia rufaa au kila mtu umfanyie Taarifa yake tofauti ya Kukata Rufaa.
• Tuma nakala tatu za Taarifa yako ya Kukata Rufaa kwenye barua au barua pepe kwa ofisi ya usajili ya IRB-RAD.

Ikiwa una mwakilishi wa kisheria anaweza kukusaidia kuwasilisha Taarifa ya Kukata Rufaa.

Baada ya kutuma fomu ya Taarifa ya Kukata Rufaa, utapokea Barua ya Kukiri kupokea ombi lako. Barua hii itakuambia tarehe ambayo lazima uwasilishe sehemu inayofuata ya rufaa yako, inayoitwa Rekodi ya Mkata rufaa. Pia itakujulisha ofisi ya usajili ya IRB-RAD utakapoituma, pamoja na maelezo ya mawasiliano ya hiyo ofisi, na pia itakueleza kitakachofuata.

Kamilisha rekodi yako ya Mkata rufaa

Rekodi ya Mkata rufaa ni sehemu muhimu ya rufaa yako. Katika Rekodi yako ya Mkata rufaa utaeleza kwa nini hukubaliani na uamuzi wa IRB-RPD. Hii ni nafasi yako ya kuonyesha makosa unayofikiri yalifanywa katika uamuzi huo.

Kwenye rekodi yako ya mkata rufaa, lazima:

• Ujaze fomu ya Rekodi ya Mkata rufaa.
• Fuata maagizo katika Mwongozo wa Anaekata Rufaa ujue hati na taarifa ambazo ni lazima uzieke kwenye Rekodi yako ya Mkata rufaa.
• Tuma hati zifuatazo, katika mpangilio huu:
  • Nakala inayosimulia mkutano wa IRB-RPD wa kusikiza dai lako. Nakala hii si lazima uitume, utaituma ikiwa waona ukiituma itasaidia rufaa yako. Iwapo ungependa kuituma hii nakala, wewe au mwakilishi wako wa kisheria mtagharamika ili iandikwe kutokana na rekodi ya sauti ya mkutano wako. Utahitajika kuandika taarifa ya kuhakikisha kwamba nakala unayoituma haina hitilafu yoyote na lazima itiwe sahihi na mtu aliyeitengeneza.
  • Ushahidi wowote ambao haukuruhusiwa na IRB-RPD wakati wa kusikilizwa kwa ombi lako la ukimbizi, au baada ya kusikilizwa kwa ombi lako la ukimbizi.
  • Taarifa iliyoandikwa inayosema:
    • Ikiwa unajumuisha ushahidi mpya ambao haukuwepo au haukupatikana wakati dai lako lilipokataliwa,
    • Kama ungependa ombi lako lisikilizwe na IRB-RAD, na
    • Kama utahitaji mkalimani awepo katika mkutano wa kusikiza ombi lako.
  • Hati nyingine zozote zitakazosaidia rufaa yako.
  • Sheria yoyote, sheria ya kesi, au hati nyingine za kisheria zinazosaidia rufaa yako.
  • Hati ya kumbukumbu inayoelezea:
    • Makosa yaliyofanywa na IRB-RPD ambayo ungependa yakaguliwe na IRB-RAD.
    • Mahali makosa haya yatapatikana katika hati ya IRB-RPD au katika rekodi ya sauti ya mkutano wa ombi lako au katika nakala inayosimulia mkutano wa kusikiliza ombi lako.
    • Uamuzi ambao ungependa IRB-RAD ufanye.
• Angalia Orodha ya Hakiki ya Rufaa ya IRB-RAD kabla ya kutuma Rekodi yako ya Mkata rufaa
• Tuma Rekodi yako ya Mkata rufaa kwa IRB-RAD. Unaweza ukatuma chapa mbili za Rekodi hiyo kenye barua au utume nakala moja ya kidijitali ya pdf kupitia barua pepe.

Hakikisha unatuma hati zako za rufaa kwa ofisi ya usajili ya IRB-RAD inayofaa. Ikiwa huna uhakika, angalia anwani ya IRB-RAD iliyoko kwenye barua uliyotumiwa ya kukiri kupokelewa kwa rufaa yako.

Uamuzi wa IRB-RAD

Mwanachama wa IRB-RAD anapofanya uamuzi kuhusu rufaa yako anaweza:

• Kukataa rufaa yako,
• Kuamua kukupa ulinzi wa wakimbizi, au
• Kutuma dai lako kwa Mwanachama tofauti wa IRB-RPD ili ombi lako lisikilizwe upya.

IRB-RAD itakutumia uamuzi wao pamoja na sababu za uamuzi huo katika barua. Pia watatuma nakala ya uamuzi huo kwa IRCC na CBSA.

Ikiwa rufaa yako ya IRB-RAD itakubaliwa

Iwapo IRB-RAD itaamua kukubali rufaa yako, wewe utakuwa ni mtu anayelindwa na utaweza kutuma maombi ya ukazi wa kudumu.

Ikiwa rufaa yako ya IRB-RAD itakataliwa

Iwapo IRB-RAD itakataa rufaa yako, unaweza kutuma maombi kwa Mahakama ya Juu ya kukagua kesi ili wakague uamuzi wa IRB-RAD. Usipotuma rufaa kwa Mahakama ya Juu ndani ya siku 15 baada ya ombi lako kukataliwa, CBSA inaweza kujaribu kukuondoa Kanada. Ukituma ombi la Mapitio ya ombi lako kwa wakati unaofaa, si lazima uondoke Kanada.

Unaweza kutuma ombi la kubakia nchini Kanada kwa misingi ya ubinadamu na ya huruma.

Kuelewa Mapitio ya Mahakama

Mapitio ya mahakama yanamaanisha kuwa jaji wa Mahakama ya Shirikisho ataangalia kukataliwa kwa IRB-RPD au IRB-RAD kwa dai au rufaa yako. Jaji akiamua kuwa Mwanachama alifanya makosa ya kisheria, anatuma dai lako kwa IRB-RPD. Mwanachama tofauti wa IRB-RPD atafanya uamuzi mpya.

Unaweza kutuma ombi la ukaguzi wa mahakama ikiwa:

• Huruhusiwi kukata rufaa kwa IRB-RAD.
• IRB-RAD inakataa rufaa yako.

Pata uwakilishi wa kisheria

Mapitio ya Mahakama ni ngumu sana. Iwapo ungependa kuwasilisha Ombi la Mapitio ya Mahakama, pata wakili mwenye uzoefu haraka iwezekanavyo. Aina zingine za wakilishi wa kisheria (kama vile mshauri wa uhamiaji) hawaruhusiwi kukuwakilisha katika Mahakama ya Shirikisho.

Katika baadhi ya matukio, unaweza kupata usaidizi wa kisheria au uwakilishi wa bila malipo.

Kaa Kanada

Iwapo unastahiki kusalia Kanada inategemea uamuzi wa IRB unaotaka kukaguliwa.

• Ikiwa unaomba uamuzi wa IRB-RAD ukaguliwe:
  • Unaweza kukaa Kanada hadi Mahakama ya Shirikisho ifanye uamuzi.
• Ikiwa unaomba uamuzi wa IRB-RAD ukaguliwe:
  • Huenda ukahitaji kuondoka Kanada. Ikiwa CBSA itajaribu kukuondoa kabla ya ukaguzi wa mahakama, unaweza kuomba “kukaa kwa utawala kwa kuondolewa.”

Anzisha ombi lako

Ili kutuma ombi la ukaguzi wa mahakama, unahitaji ruhusa (inayoitwa ondoka) kutoka kwa jaji wa Mahakama ya Shirikisho.  Ni lazima uonyeshe kwamba uamuzi kuhusu dai lako la ukimbizi haukuwa wa haki au wa kuridhisha, au kwamba kulikuwa na hitilafu katika uamuzi huo.

Ili kuanza ombi lako ya ukaguzi wa mahakama, lazima:

• Wasilisha Ombi la Kuondoka ndani ya siku 15 baada ya kupata Notisi yako ya Uamuzi kutoka kwa IRB-RPD au IRB-RAD.
• Peana Rekodi la Ombi ndani ya siku 30 baada ya kuwasilisha Ombi lako la Kuondoka. Rekodi lako la Ombi ni pale unapoeleza sababu za kisheria kwa nini hukubaliani na uamuzi huo.

Jaji huangalia hati zako na anaamua kama unaweza kupata ukaguzi kamili wa mahakama wa dai lako. Ikiwa huwezi, ombi lako limekataliwa na faili yako itafungwa.

Ikiwa unaruhusiwa kuwa na mapitio ya mahakama, hakimu atapanga tarehe ya kusikilizwa. Kusikilizwa ni fursa kwa wakili wako kuzungumza na hakimu kuhusu dai lako.

Pata uamuzi wako

Unaweza kupata uamuzi wa hakimu siku ya kusikilizwa kwa kesi au baadaye.

• Ikiwa hakimu atakubaliana na uamuzi wa IRB-RPD au IRB-RAD na kusema kulikuwa na kosa la kisheria au hitilafu ya kweli, unaweza kuhitaji kuondoka Kanada. Jadili hatua zinazofuata na wakili wako ikiwa bado hujafanya hivyo.
• Ikiwa hakimu ataamua Mwanachama wa IRB-RPD au IRB-RAD alifanya makosa ya kisheria au makosa ya kweli, hakimu anaweza kutuma dai lako kwa IRB-RPD. Mwanachama tofauti wa IRB-RPD atafanya uamuzi mpya. Hii haimaanishi kwamba dai lako la mkimbizi litaidhinishwa.

Nani anaweza kutuma ombi?

CBSA itakuambia kama unaweza kutuma ombi la PRRA. Huwezi tu kuamua kuomba moja. CBSA itakupa Notisi Kuhusu PRRA. Hii inaelezea haki yako ya kukamilisha PRRA na tarehe za mwisho unapohitaji kuikamilisha. Soma notisi hii kwa makini.

Kubaki Kanada

Unaweza kujiuliza ikiwa unaweza kukaa Kanada wakati ombi lako la PRRA linaamuliwa.

Ikiwa hii ni ombi lako la kwanza la PRRA, utaruhusiwa kukaa Kanada wakati ombi lako la PRRA linapoamuliwa. Ili kuhakikisha kuwa unaweza kukaa Kanada, kuwa mwangalifu kutimiza makataa katika taarifa kuhusu PRRA.

Hutaruhusiwa kukaa Kanada ikiwa:

• Umekosa tarehe ya makataa ya kutuma ombi la PRRA.
• Hii sio maombi yako ya kwanza ya PRRA.
• Unatuma ombi la PRRA kutoka Bandari ya Kuingia (POE).

Jinsi ya kuomba

CBSA itakupa fomu ya ombi na mwongozo wa maelekezo. Jaza fomu la Ombi ya Tathmini ya Hatari Kabla ya Kuondolewa. Wanafamilia wowote nchini Kanada walio na umri wa miaka 18 au zaidi lazima wafanye fomu zao wenyewe.

Angalia tarehe ya makataa ya fomu hii ya maombi kwenye taarifa yako kuhusu PRRA. Kwa kawaida ni lazima utume fomu hii kwa IRCC ndani ya siku 15 baada ya kupokea fomu ya taarifa.

Hatua inayofuata ni kuandaa na kuwasilisha hati zilizoandikwa (mawasilisho) zinazoelezea hali yako. Hii ni nafasi yako ya kueleza ni kwa nini unafikiri utakuwa hatarini ukirudishwa katika nchi yako. Ni lazima utume hati hizi kwa IRCC ndani ya siku 30 baada ya kupokea fomu ya taarifa ya PRRA.

Katika mawasilisho haya, ni muhimu kwamba ujibu maswali yafuatayo kwa uwazi:

• Kwa nini ningekuwa hatarini nikirudishwa nchini?
• Ni hatari gani nitakabiliana nazo na kwa nini?
• Je, hatari hizi zimefungwa kwangu binafsi?
• Je, ninaweza kuhamia sehemu nyingine ya nchi?
• Je, kila mtu mwingine nchini ana hatari sawa?

Unaweza kujumuisha ushahidi ili kuunga mkono mawasilisho yako. Hizi ni hati zinazoonyesha kuwa uko hatarini katika nchi yako. Baadhi ya mifano ni:

• Makala ya magazeti yanayoelezea hali katika nchi yako
• Hati za kisheria
• Hati za polisi
• Hati za matibabu
• Ushuhuda ulioandikwa
• Barua za kibinafsi

Ikiwa dai lako la ukimbizi au ombi la awali la PRRA lilikataliwa, huruhusiwi kujumuisha ushahidi ambao tayari umewasilisha ili kuunga mkono dai lako la ukimbizi. Unaruhusiwa tu kutoa ushahidi mpya. Huu ni ushahidi uliopata baada ya kukataliwa, au haukuweza kupata mapema kwa sababu nzuri.

Peana maombi yako na hati

Peana fomu yako ya maombi ya PRRA iliyojazwa, hati zilizoandikwa (mawasilisho) na ushahidi kwa barua kwa afisi ya IRCC kwenye Notisi yako Kuhusu PRRA. Unaweza pia kutuma maombi yako ya PRRA kupitia huduma ya Kanada Post’s Connect. Zingatia sana tarehe za mwisho za notisi hii.

Baada ya kutuma ombi

IRCC itaangalia ombi lako la PRRA na kufanya uamuzi.

IRCC kwa kawaida hufanya uamuzi kwa kuangalia tu fomu za maombi na hati ulizotoa. Wakati mwingine IRCC itakuuliza uje kwenye kesi ikiwa wana maswali ya kukuuliza. Iwapo unahitaji kuhudhuria kikao cha IRCC itakutumia notisi na saa, tarehe, eneo na masuala wanayotaka kujadili.

Ombi lako limekubaliwa

Ikiwa ombi lako la PRRA limekubaliwa, kwa kawaida unakuwa mtu aliyelindwa. Hii inamaanisha kuwa unaweza kutuma ombi la makazi ya kudumu.

Ombi lako halijakubaliwa.

Ikiwa ombi lako la PRRA limekataliwa, lazima uondoke Kanada.

Unaweza kutuma ombi kwa Mahakama ya Shirikisho ya Kanada kwa ajili ya ukaguzi wa kimahakama. Bado utalazimika kuondoka Kanada isipokuwa upate kibali cha msimamizi cha kuondolewa au uombe mahakama ikupe muda wa kuondolewa.

Nani anaweza kutuma maombi?

Kabla ya kutuma ombi la H&C, itabidi usubiri kwa miezi 12 baada ya IRB-RPD au IRB-RAD kukataa dai lako la ukimbizi. Pia kwa kawaida unatakiwa kusubiri miezi 12 ikiwa utajiondoa au kuacha dai lako la ukimbizi.

Huenda usisubiri kuomba ikiwa unaweza kuonyesha:

• Haitakuwa kwa manufaa ya mtoto (chini ya umri wa miaka 18) kwako kuondoka Kanada, au
• Maisha yako (au maisha ya mmoja wa wategemezi wako) yangekuwa hatarini kwa sababu ya ukosefu wa huduma za afya ikiwa utarudi katika nchi yako.

Fahamu, baadhi ya watu hawaruhusiwi kutuma ombi la H&C. Huwezi kutuma ombi la H&C ikiwa:

• Una dai la ukimbizi linaloshughulikiwa.
• Uliambiwa wewe ni raia wa kigeni aliyeteuliwa wakati fulani ndani ya miaka 5 iliyopita.

Kubaki Kanada

Unaposubiri uamuzi wa ombi lako la H&C, unaweza kuondolewa Kanada.

Unaweza kusalia Kanada ikiwa unasubiri uamuzi wa Tathmini ya Hatari (PRRA) kabla ya Kuondolewa (PRRA).

Iwapo umepewa tarehe lazima uondoke Kanada, zungumza na wakili wako kuhusu kuomba kuahirisha kuondolewa kwako au kuomba kusitishwa kwa kuondolewa kwako mbele ya Mahakama ya Shirikisho.

Mambo ya kuzingatia kabla ya kutuma ombi

Kutuma ombi la H&C ni hatua ya kipekee. Hii ina maana si njia nyingine tu ya kuomba hadhi ya ukaaji wa kudumu nchini Kanada. Una jukumu la kuonyesha wazi kwamba unapaswa kupewa kibali cha kutotuma maombi ya ukaaji wa kudumu nchini Kanada.

Kumbuka kwamba IRCC huzingatia mambo kadhaa wakati wa kuamua ombi lako la H&C, ikijumuisha:

• Umetulia vipi huko Kanada

Lazima uonyeshe kuwa umeunda maisha nchini Kanada. Hii inajumuisha: muda ambao umeishi Kanada, ujuzi wako wa lugha, juhudi zako za kuboresha elimu na ujuzi, mahusiano yako na wanafamilia wanaoishi Kanada, na mtu yeyote wa kujitolea, elimu, ajira na michango ya kifedha.

• Athari yoyote kwa watoto

Ni lazima uonyeshe kwamba mtoto/watoto wako, au watoto unaowalea Kanada au ng’ambo, wataathiriwa vibaya ikiwa utaondolewa Kanada. Hii ni pamoja na: hali ya kihisia, kijamii, kitamaduni na kimwili ya mtoto, na uhusiano wa mtoto na wanafamilia wengine nchini Kanada.

• Uwezekano wa matatizo au hatari za kiafya katika nchi yako.

Ni lazima uonyeshe kwamba utapata magumu ukirudi katika nchi yako.  Hii inaweza kumaanisha kwamba huwezi kupata matibabu muhimu au kwamba unakabiliwa na ubaguzi au matibabu mabaya. Unaweza pia kujumuisha matatizo mengine ambayo hukuwasilisha kwenye kikao chako cha mkimbizi.

Jinsi ya kuomba

Ombi la H&C lazima sasa lifanywe mtandaoni kupitia tovuti ya PR au Tovuti ya Mwakilishi Aliyeidhinishwa ya Makazi ya Kudumu (PR). Ikiwa huwezi kutuma ombi mtandaoni, kwa mfano kwa sababu ya ulemavu, unaweza kuomba IRCC ikutumie fomu ya maombi katika karatasi au umbizo lingine.

Tumia orodha hii kukusanya fomu na hati zote unazohitaji kujaza ili kusaidia ombi lako.

Lazima utume ushahidi unaounga mkono unachosema katika ombi lako. Kwa mfano, unaweza kuwa na hati zinazohusiana na ugumu unaokabili katika nchi yako au maslahi ya mtoto.

Ikiwa hutajumuisha fomu na hati zote zinazohitajika, ombi lako halitashughulikiwa na kurejeshwa kwako na IRCC.

Baada ya kutuma ombi

Unaweza kusasisha ombi lako hadi upate uamuzi.

Ukikamilisha ombi lako ipasavyo ombi lako litashughulikiwa. Unaweza kuulizwa kuwa na mahojiano, kuthibitisha habari, au kutoa maelezo zaidi.

Ikiwa maombi yako hayajakamilika, au hukutuma malipo yanayofaa, yatarejeshwa pamoja na maagizo.

Utaambiwa kwa maandishi ikiwa ombi lako limeidhinishwa au kukataliwa. Ukiidhinishwa, maelezo yatajumuishwa katika uamuzi kuhusu hatua zako zinazofuata za kuwa mkazi wa kudumu (kama vile mtihani wa matibabu na uchunguzi wa usuli).

Jadili hatua zinazofuata na wakili wako.