ਇਕ ਮਾਨਵਤਾਵਾਦੀ ਅਤੇ ਹਮਦਰਦੀ (H&C) ਅਰਜੀ IRCC ਨੂੰ ਕਨੇਡਾ ਦੇ ਸਥਾਈ ਨਿਵਾਸੀ ਬਣਨ ਦੀ ਖਾਸ ਇਜਾਜਤ ਲਈ ਬੇਨਤੀ ਹੈ। ਜਦੋਂ ਤੁਸੀਂ ਦੂਸਰੇ ਇਮੀਗਰੇਸ਼ਨ ਪ੍ਰੋਗਰਾਮਾਂ ਲਈ ਯੋਗ ਨਹੀਂ ਹੁੰਦੇ ਤਾਂ ਤੁਸੀਂ H&C ਅਰਜੀ ਦੇ ਸਕਦੇ ਹੋ। ਅਕਸਰ ਇਕ H&C ਕਨੇਡਾ ਵਿੱਚ ਰਹਿਣ ਦੀ ਇੱਕ ਆਖਰੀ ਕੋਸ਼ਿਸ਼ ਹੈ।
ਇਕ H&C ਅਰਜੀ ਵਿੱਚ, ਇਹ ਦਿਖਾਣਾ ਜਰੂਰੀ ਹੈ ਕਿ ਕਿਸ ਜ਼ਰੂਰੀ ਕਾਰਨਾ ਕਾਰਕੇ ਤੁਹਾਨੂੰ ਕਨੇਡਾ ਵਿੱਚ ਰਹਿਣ ਦੀ ਇਜਾਜ਼ਤ ਮਿਲਣੀ ਚਾਹੀਦੀ ਹੈ। ਅਕਸਰ, H&C ਅਰਜੀਆਂ ਦਰਸ਼ਾਉਂਦੀਆਂ ਹਨ ਕਿ ਤੁਸੀਂ ਤੇ ਤੁਹਾਡਾ ਪਰਿਵਾਰ ਕਿਵੇਂ ਕਨੇਡੀਅਨ ਜੀਵਨ ਨਾਲ ਜੁੜੇ ਹੋਏ ਹੋ ਜਾਂ ਜੇਕਰ ਤੁਹਾਨੂੰ ਕਨੇਡਾ ਛੱਡਣਾ ਪੈਂਦਾ ਹੈ ਤਾਂ ਤੁਹਾਡੇ ਜੀਵਨ ਨਾਲ ਜੁੜੇ ਬੱਚਿਆਂ ਤੇ ਕੀ ਅਸਰ ਹੋਵੇਗਾ। ਉਹਨਾਂ ਵਿੱਚ ਇਹ ਵੀ ਸ਼ਾਮਿਲ ਹੋ ਸਕਦਾ ਹੈ ਕਿ ਕਿਵੇਂ ਤੁਹਾਨੂੰ ਕਠਨਾਈਆਂ – ਭਾਵ ਬਹੁਤ ਮੁਸ਼ਕਿਲ ਹਾਲਾਤਤਾਂ ਦਾ ਅਨੁਭਵ ਕਰਨਾ ਪੈ ਸਕਦਾ ਹੈ – ਜੇਕਰ ਤੁਹਾਨੂੰ ਤੁਹਾਡੇ ਦੇਸ਼ ਵਾਪਸ ਜਾਣਾ ਪਿਆ।
ਕੌਣ ਅਰਜੀ ਦੇ ਸਕਦਾ ਹੈ?
IRB-RPD ਅਤੇ IRB-RAD ਦੁਆਰਾ ਤੁਹਾਡੇ ਸ਼ਰਨਾਰਥੀ ਦਾਅਵੇ ਨੂੰ ਰਦ ਕਰਨ ਤੋਂ ਬਾਅਦ ਤੁਹਾਨੂੰ H&C ਐਪਲੀਕੇਸ਼ਨ ਕਰਨ ਲਈ 12 ਮਹੀਨੇ ਇੰਤਜ਼ਾਰ ਕਰਨਾ ਪਵੇਗਾ। ਆਮ ਤੌਰ ਤੇ ਤੁਹਾਡਾ ਆਪਣਾ ਸ਼ਰਨਾਰਥੀ ਦਾਅਵਾ ਵਾਪਸ ਲੈ ਲੈਣ ਜਾਂ ਛੜ ਦੇਣ ਕਾਰਨ ਵੀ ਤੁਹਾਨੂੰ 12 ਮਹੀਨੇ ਤੱਕ ਇੰਤਜ਼ਾਰ ਕਰਨਾ ਪੈ ਸਕਦਾ ਹੈ।
ਤੁਹਾਨੂੰ ਅਰਜੀ ਦੇਣ ਲਈ ਇੰਤਜ਼ਾਰ ਨਹੀਂ ਕਰਨਾ ਪਵੇਗਾ ਜੇ ਤੁਸੀਂ ਇਹ ਦਿਖਾ ਸਕਦੇ ਹੋ ਕਿ:
- ਤੁਹਾਡੇ ਕਨੇਡਾ ਛੱਡਣ ਤੇ ਇਹ (18 ਸਾਲ ਤੋਂ ਘੱਟ ਉਮਰ ਦੇ) ਬੱਚੇ ਦੇ ਹਿੱਤ ਵਿੱਚ ਨਹੀਂ ਹੈ, ਜਾਂ
- ਜੇਕਰ ਤੁਸੀਂ ਆਪਣੇ ਦੇਸ਼ ਵਾਪਸ ਜਾਂਦੇ ਹੋ ਤਾਂ ਤੁਹਾਡੀ ਜਿੰਦਗੀ( ਜਾਂ ਤੁਹਾਡੇ ਤੇ ਨਿਰਭਰ ਕਿਸੇ ਵਿਅਕਤੀ ਦੀ) ਉਥੋਂ ਦੇ ਸਿਹਤ ਦੇਖ ਰੇਖ ਦੀ ਘਾਟ ਕਾਰਨ ਖਤਰੇ ਵਿੱਚ ਪੈ ਸਕਦੀ ਹੈ
ਧਿਆਨ ਰੱਖੋ ਕਿ ਕੁਝ ਲੋਕਾਂ ਨੂੰ H&C ਦੀ ਅਰਜੀ ਦੇਣ ਦੀ ਅਨੁਮਤੀ ਨਹੀਂ ਹੈ। ਤੁਸੀਂ H&C ਲਈ ਅਰਜੀ ਨਹੀਂ ਦੇ ਸਕਦੇ ਜੇ:
- ਤੁਹਾਡਾ ਸ਼ਰਨਾਰਥੀ ਦਾ ਦਾਅਵਾ ਪ੍ਰਕਿਰਿਆ ਵਿੱਚ ਹੈ
- ਜੇ ਤੁਹਾਨੂੰ ਦੱਸਿਆ ਗਿਆ ਸੀ ਕਿ ਤੁਸੀਂ ਪਿਛਲੇ ਪੰਜ ਸਾਲਾਂ ਵਿੱਚ ਕਿਸੇ ਸਮੇਂ ਇੱਕ ਮਨੋਨਿਤ ਵਿਦੇਸ਼ੀ ਨਾਗਰਿਕ ਹੋ
ਕਨੇਡਾ ਵਿੱਚ ਰਹਿਣਾ
ਤੁਹਾਨੂੰ ਤੁਹਾਡੀ H&C ਦੀ ਅਰਜੀ ਤੇ ਫੈਸਲੇ ਦੀ ਉਡੀਕ ਕਰਦੇ ਹੋਏ ਵੀ ਕਨੇਡਾ ਤੋਂ ਹਟਾਇਆ ਜਾ ਸਕਦਾ ਹੈ।
ਜੇਕਰ ਤੁਸੀਂ ਆਪਣੇ ਹਟਾਉਣ ਤੋਂ ਪਹਿਲਾਂ ਦੀ ਖਤਰਾ ਮੂਲੰਕਨ(PRRA) ਦੇ ਫੈਸਲੇ ਦੀ ਉਡੀਕ ਕਰ ਰਹੇ ਹੋ ਤਾਂ ਸ਼ਾਇਦ ਤੁਸੀਂ ਕਨੇਡਾ ਵਿੱਚ ਰਹਿਣ ਦੇ ਯੋਗ ਹੋ ਸਕਦੇ ਹੋ।
ਜੇਕਰ ਤੁਹਾਨੂੰ ਕਨੇਡਾ ਛੱਡ ਕੇ ਜਾਣ ਦੀ ਤਰੀਕ ਦਿੱਤੀ ਗਈ ਹੈ ਤਾਂ ਆਪਣੇ ਵਕੀਲ ਨਾਲ ਗੱਲ ਕਰੋ ਕਿ ਤੁਸੀਂ ਆਪਣੇ ਕਨੇਡਾ ਤੋਂ ਹਟਾਏ ਜਾਣ ਨੂੰ ਕਿਵੇਂ ਮੁਲਤਵੀ ਕਰ ਸਕਦੇ ਹੋ ਜਾਂ ਸੰਘੀ ਕੋਰਟ ਤੋਂ ਆਪਣੇ ਹਟਾਉਣ ਦੀ ਸਟੇ ਦੀ ਕਿਵੇਂ ਮੰਗ ਕਰ ਸਕਦੇ ਹੋ।
ਅਰਜੀ ਦੇਣ ਤੋਂ ਪਹਿਲਾਂ ਧਿਆਨ ਦੇਣ ਵਾਲੀਆਂ ਗੱਲਾਂ
H&C ਲਈ ਅਰਜੀ ਦੇਣਾ ਇਕ ਅਸਾਧਾਰਣ ਉਪਾਏ ਹੈ। ਇਸ ਦਾ ਮਤਲਬ ਹੈ ਕਿ ਇਹ ਸਿਰਫ਼ ਕਨੇਡਾ ਵਿੱਚ ਸਥਾਈ ਨਿਵਾਸੀ ਰੁਤਬੇ ਲਈ ਅਰਜੀ ਦੇਣ ਦਾ ਇੱਕ ਹੋਰ ਤਰੀਕਾ ਨਹੀਂ ਹੈ। ਤੁਸੀਂ ਇਹ ਸਪਸ਼ਟ ਤੌਰ ਤੇ ਦਿਖਾਉਣ ਲਈ ਜਿੰਮੇਵਾਰ ਹੋ ਕਿ ਤੁਹਾਨੂੰ ਕਨੇਡਾ ਵਿੱਚ ਸਥਾਈ ਨਿਵਾਸੀ ਦੀ ਅਰਜੀ ਦੇਣ ਲਈ ਇੱਕ ਅਸਾਧਾਰਣ ਮੌਕਾ ਦਿੱਤਾ ਜਾਣਾ ਚਾਹੀਦਾ ਹੈ।
ਇਸ ਗੱਲ ਦਾ ਧਿਆਨ ਰੱਖੋ ਕਿ IRCC ਤੁਹਾਡੀ H&C ਦੀ ਅਰਜੀ ਦਾ ਫੈਸਲਾ ਕਰਦੇ ਸਮੇਂ ਕਈ ਕਾਰਨਾਂ ਤੇ ਵਿਚਾਰ ਕਰਦਾ ਹੈ, ਜਿਵੇਂ ਕਿ:
- ਤੁਸੀਂ ਕਨੇਡਾ ਵਿੱਚ ਕਿੰਨੇਕੁ ਵਸੇ/ਸੈਟਲ ਹੋ
ਤੁਹਾਨੂੰ ਇਹ ਦਿਖਾਉਣਾ ਚਾਹੀਦਾ ਹੈ ਕਿ ਤੁਸੀਂ ਕਨੇਡਾ ਵਿੱਚ ਆਪਣੀ ਜ਼ਿੰਦਗੀ ਵਸਾਈ ਹੈ। ਇਸ ਵਿੱਚ ਸ਼ਾਮਿਲ ਹਨ: ਕਨੇਡਾ ਵਿੱਚ ਤੁਸੀਂ ਕਿੰਨੇ ਸਮੇਂ ਤੋਂ ਹੋ, ਤੁਹਾਡੀ ਭਾਸ਼ਾ ਦੇ ਹੁਨਰ, ਸਿੱਖਿਆ ਅਤੇ ਹੁਨਰ ਨੂੰ ਸੁਧਾਰਨ ਲਈ ਤੁਹਾਡੇ ਯਤਨ, ਕਨੇਡਾ ਵਿੱਚ ਰਹਿ ਰਹੇ ਪਰਿਵਾਰਿਕ ਮੈਂਬਰਾਂ ਨਾਲ ਤੁਹਾਡੇ ਸੰਬੰਧ, ਅਤੇ ਕੋਈ ਵੀ ਕੀਤੀ ਸੇਵਾ , ਸਿੱਖਿਆ, ਰੁਜ਼ਗਾਰ ਅਤੇ ਵਿੱਤੀ ਯੋਗਦਾਨ।
- ਬੱਚਿਆਂ ਤੇ ਕੋਈ ਵੀ ਪ੍ਰਭਾਵ
ਤੁਹਾਨੂੰ ਇਹ ਦਿਖਾਉਣਾ ਚਾਹੀਦਾ ਹੈ ਕਿ ਜੇਕਰ ਤੁਹਾਨੂੰ ਕਨੇਡਾ ਚੋਂ ਹਟਾ ਦਿੱਤਾ ਜਾਵੇਗਾ ਤਾਂ ਤੁਹਾਡੇ ਬੱਚੇ(ਬੱਚਿਆਂ), ਜਾਂ ਜਿਹਨਾਂ ਬੱਚਿਆਂ ਨੂੰ ਤੁਸੀਂ ਕਨੇਡਾ ਜਾਂ ਵਿਦੇਸ਼ ਵਿੱਚ ਸਪੋਰਟ ਕਰਦੇ ਹੋ ਉਹਨਾਂ ਤੇ ਨਾਕਰਾਤਮਕ ਅਸਰ ਪਵੇਗਾ। ਇਸ ਵਿੱਚ ਸ਼ਾਮਿਲ ਹਨ: ਬੱਚੇ ਦੀ ਭਾਵਨਾਤਮਕ, ਸਮਾਜਿਕ, ਸਭਿਆਚਾਰਕ ਅਤੇ ਸਰੀਰਕ ਸਿਹਤ , ਅਤੇ ਬੱਚੇ ਦਾ ਕਨੇਡਾ ਵਿੱਚ ਰਹਿੰਦੇ ਦੂਸਰੇ ਪਰਿਵਾਰ ਦੇ ਮੈਂਬਰਾਂ ਨਾਲ ਸੰਬੰਧ।
- ਤੁਹਾਡੇ ਦੇਸ਼ ਵਿੱਚ ਮੁਸ਼ਕਲਾਂ ਜਾਂ ਸਿਹਤ ਖਤਰੇ ਦੀ ਸੰਭਾਵਨਾ।
ਤੁਹਾਨੂੰ ਇਹ ਦਿਖਾਉਣਾ ਪਏਗਾ ਕਿ ਤੁਹਾਨੂੰ ਆਪਣੇ ਦੇਸ਼ ਵਾਪਸ ਜਾਣ ਤੇ ਕਿਹੜੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਵੇਗਾ। ਇਸ ਦਾ ਮਤਲਬ ਇਹ ਹੋ ਸਕਦਾ ਹੈ ਕਿ ਤੁਸੀਂ ਮਹੱਤਵਪੂਰਨ ਡਾਕਟਰੀ ਇਲਾਜ ਪ੍ਰਾਪਤ ਨਹੀਂ ਕਰ ਸਕਦੇ ਜਾਂ ਇਹ ਕੀ ਤੁਸੀਂ ਵਿਤਕਰੇ ਜਾਂ ਖਰਾਬ ਸਲੂਕ ਦਾ ਸਾਹਮਣਾ ਕਰ ਰਹੇ ਹੋਂ। ਤੁਸੀਂ ਹੋਰ ਮੁਸ਼ਕਿਲਾਂ ਨੂੰ ਵੀ ਸ਼ਾਮਿਲ ਕਰ ਸਕਦੇ ਹੋ ਜੋ ਤੁਸੀਂ ਆਪਣੇ ਸ਼ਰਨਾਰਥੀ ਸੁਣਵਾਈ ਦੇ ਵਿੱਚ ਸ਼ਾਮਿਲ ਨਹੀਂ ਕੀਤੀਆਂ ਸਨ।
ਅਰਜੀ ਕਿਵੇਂ ਦੇਣੀ ਹੈ
ਹੁਣ H&C ਦੀ ਅਰਜੀ PR ਪੋਰਟਲ ਜਾਂ ਅਧਿਕਾਰਤ ਪ੍ਰਤੀਨਿਧੀ ਸਥਾਈ ਨਿਵਾਸ (PR) ਪੋਟਲ ਤੇ ਆਨਲਾਇਨ ਕੀਤੀ ਜਾਣੀ ਚਾਹੀਦੀ ਹੈ। ਜੇਕਰ ਤੁਸੀਂ ਆਨਲਾਈਨ ਅਰਜੀ ਨਹੀਂ ਦੇ ਸਕਦੇ ਹੋ, ਉਦਾਹਰਨ ਲਈ ਅਪਾਹਜਤਾ ਦੇ ਕਾਰਨ, ਤੁਸੀਂ IRCC ਨੂੰ ਇਹ ਅਰਜੀ ਫਾਰਮ ਕਾਗਜ ਜਾਂ ਹੋਰ ਫਾਰਮੈਟ ਵਿੱਚ ਭੇਜਣ ਲਈ ਕਹਿ ਸਕਦੇ ਹੋ।
ਆਪਣੀ ਅਰਜੀ ਦਾ ਸਮਰਥਨ ਕਰਨ ਲਈ ਤੁਹਾਨੂੰ ਇਸ ਚੈਕਲਿਸਟ ਦੀ ਵਰਤੋਂ ਰਾਹੀਂ ਲੋੜੀਂਦੇ ਸਾਰੇ ਫਾਰਮ ਅਤੇ ਦਸਤਾਵੇਜ਼ ਇਕੱਠੇ ਕਰਨੇ ਚਾਹੀਦੇ ਹਨ।
ਤੁਹਾਨੂੰ ਆਪਣੀ ਅਰਜੀ ਵਿਚ ਕੀਤੇ ਦਾਅਵੇ ਦਾ ਸਮਰਥਨ ਕਰਨ ਵਾਲੇ ਸਬੂਤਾਂ ਨੂੰ ਲਾਜਮੀ ਤੌਰ ਤੇ ਭੇਜਣਾ ਚਾਹੀਦਾ ਹੈ। ਉਦਾਹਰਨ ਲਈ, ਤੁਹਾਡੇ ਕੋਲ ਦਸਤਾਵੇਜ਼ ਹੋ ਸਕਦੇ ਹਨ ਜੋ ਤੁਹਾਡੇ ਦੇਸ਼ ਵਿੱਚ ਤੁਹਾਡੇ ਤੇ ਆਉਣ ਵਾਲੀ ਮੁਸ਼ਕਿਲ ਜਾਂ ਬੱਚੇ ਦੇ ਸਰਵੋਤਮ ਹਿਤਾ ਨਾਲ ਸੰਬੰਧਤ ਹੈ।
ਜੇ ਤੁਸੀਂ ਆਪਣੀ ਅਰਜੀ ਨਾਲ ਸਾਰੇ ਜਰੂਰੀ ਫਾਰਮ ਅਤੇ ਦਸਤਾਵੇਜ਼ ਨਹੀਂ ਸ਼ਾਮਲ ਕਰਦੇ ਹੋ, ਤਾਂ ਤੁਹਾਡੀ ਅਰਜੀ ਤੇ ਕਾਰਵਾਈ ਨਹੀਂ ਕੀਤੀ ਜਾਵੇਗੀ ਅਤੇ IRCC ਦੁਆਰਾ ਤੁਹਾਨੂੰ ਵਾਪਸ ਕਰ ਦਿੱਤੀ ਜਾਵੇਗੀ।
ਤੁਹਾਡੇ ਦੁਆਰਾ ਅਰਜ਼ੀ ਦੇਣ ਤੋਂ ਬਾਅਦ
ਤੁਸੀਂ ਆਪਣੀ ਅਰਜੀ ਉਦੋਂ ਤੱਕ ਅਪਡੇਟ ਕਰ ਸਕਦੇ ਹੋ ਜਦ ਤੱਕ ਤੁਹਾਡਾ ਫੈਸਲਾ ਨਹੀਂ ਆਉਂਦਾ।
ਜੇਕਰ ਤੁਸੀਂ ਆਪਣੀ ਅਰਜ਼ੀ ਨੂੰ ਸਹੀ ਢੰਗ ਨਾਲ ਪੂਰਾ ਕੀਤਾ ਹੈ ਤਾਂ ਤੁਹਾਡੀ ਅਰਜੀ ਤੇ ਕਾਰਵਾਈ ਕੀਤੀ ਜਾਵੇਗੀ। ਤੁਹਾਨੂੰ ਇੰਟਰਵਿਊ ਲਈ, ਆਪਣੀ ਜਾਣਕਾਰੀ ਦੀ ਪੁਸ਼ਟੀ ਲਈ, ਜਾਂ ਹੋਰ ਵੇਰਵੇ ਦੇਣ ਲਈ ਕਿਹਾ ਜਾ ਸਕਦਾ ਹੈ।
ਤੁਹਾਡੀ ਅਰਜੀ ਤੁਹਾਨੂੰ ਵਾਪਸ ਭੇਜ ਦਿੱਤੀ ਜਾਵੇਗੀ ਜੇਕਰ ਤੁਹਾਡੀ ਅਰਜੀ ਅਧੂਰੀ ਸੀ, ਜਾਂ ਤੁਸੀਂ ਉਚਿਤ ਭੁਗਤਾਨ ਨਹੀਂ ਭੇਜਿਆ।
ਤੁਹਾਨੂੰ ਲਿਖਿਤ ਰੂਪ ਵਿੱਚ ਤੁਹਾਡੀ ਅਰਜੀ ਦੇ ਮਨਜੂਰ ਜਾਂ ਨਾਮਨਜੂਰ ਹੋਣ ਬਾਰੇ ਦੱਸਿਆ ਜਾਵੇਗਾ। ਜੇਕਰ ਤੁਹਾਡੀ ਅਰਜੀ ਨੂੰ ਮਨਜ਼ੂਰੀ ਮਿਲਦੀ ਹੈ, ਤਾਂ ਤੁਹਾਡੇ ਸਥਾਈ ਨਿਵਾਸੀ ਬਣਨ ਦੇ ਅਗਲੇ ਕਦਮਾਂ ਨੂੰ ਫੈਸਲੇ ਵਿੱਚ ਸ਼ਾਮਲ ਕੀਤਾ ਜਾਵੇਗਾ (ਜਿਵੇਂ ਕਿ ਮੈਡੀਕਲ ਜਾਂਚ ਅਤੇ ਪਿਛੋਕੜ ਜਾਂਚ)।
ਆਪਣੇ ਵਕੀਲ ਨਾ ਅਗਲੇ ਕਦਮਾਂ ਬਾਰੇ ਚਰਚਾ ਕਰੋ।