ਸਬੂਤ ਇਕੱਠੇ ਕਰੋ

ਸਬੂਤ ਇਕੱਠੇ ਕਰਨਾ ਕਦੋਂ ਸ਼ੁਰੂ ਕਰੋ

ਸਬੂਤ ਇਕੱਠੇ ਕਰਨ ਵਿੱਚ ਵਕਤ ਲੱਗਦਾ ਹੈ, ਖਾਸ ਕਰ ਉਦੋਂ ਜਦੋਂ ਤੁਸੀਂ ਇਹਨਾਂ ਨੂੰ ਕਿਸੇ ਦੂਸਰੇ ਦੇਸ਼ ਤੋਂ ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਕਰਦੇ ਹੋ। ਜਲਦ ਤੋਂ ਜਲਦ ਤੁਸੀਂ ਸਬੂਤ ਇਕੱਠੇ ਕਰਨਾ ਸ਼ੁਰੂ ਕਰੋ। ਜੇਕਰ ਤੁਹਾਡੇ ਕੋਲ ਕਾਨੂੰਨੀ ਪ੍ਰਤੀਨਿਧੀ ਹੈ, ਤਾਂ ਉਹਨਾਂ ਨੂੰ ਪੁੱਛੋ ਕਿ ਕਿਹੜੇ ਸਬੂਤ ਮਦਦ ਕਰ ਸਕਦੇ ਹਨ, ਉਹਨਾਂ ਨੂੰ ਦੱਸੋ ਤੁਹਾਡੇ ਕੋਲ ਕਿਹੜੇ ਸਬੂਤ ਹਨ, ਤੇ ਉਹਨਾਂ ਨੂੰ ਇਹ ਸਬੂਤ ਦੇਖਣ ਲਈ ਕਹੋ। ਜਲਦ ਕਾਰਵਾਈ ਕਰੋ।

ਅਨੁਵਾਦ ਲੋੜਾਂ

ਆਵਾਜ਼ ਰਿਕਾਰਡਿੰਗ ਸਮੇਤ ਸਾਰੇ ਸਬੂਤ ਅੰਗਰੇਜੀ ਜਾਂ ਫ੍ਰਾਂਸੀਸੀ ਵਿੱਚ ਹੋਣੇ ਚਾਹੀਦੇ ਹਨ। ਗੂਗਲ ਅਨੂਵਾਦ(Google Translate) ਜਾਂ ਦਸਤਾਵੇਜ਼ਾਂ ਦਾ ਖੁਦ ਅਨੁਵਾਦ ਨਾ ਕਰੋ। ਇੱਕ ਪੇਸ਼ੇਵਰ ਅਨੁਵਾਦਕ ਸਭ ਤੋਂ ਵਧੀਆ ਹੈ। ਜੇ ਤੁਹਾਡੇ ਕੋਲ ਕਾਨੂੰਨੀ ਸਹਾਇਤਾ ਵਕੀਲ ਹੈ, ਤਾਂ ਅਨੁਵਾਦ ਦਾ ਅੱਧਾ ਜਾਂ ਪੂਰਾ ਖਰਚਾ ਕਾਨੂੰਨੀ ਸਹਾਇਤਾ ਦੁਆਰਾ ਭਰਿਆ ਜਾ ਸਕਦਾ ਹੈ। ਜੇ ਤੁਸੀਂ ਇਸ ਲਈ ਭੁਗਤਾਨ ਨਹੀਂ ਕਰ ਸਕਦੇ ਹੋ, ਤਾਂ ਤੁਸੀਂ ਕਿਸੇ ਭਰੋਸੇਯੋਗ ਵਿਅਕਤੀ ਨੂੰ ਰੱਖ ਸਕਦੇ ਹੋ ਜੋ ਤੁਹਾਡੀ ਭਾਸ਼ਾ ਵਿੱਚ ਪ੍ਰਵਾਹਸ਼ੀਲ ਹੈ ਅਤੇ ਜਾਂ ਫਿਰ ਅੰਗਰੇਜ਼ੀ ਆ ਫ੍ਰਾਂਸੀਸੀ ਵਿੱਚ ਤੁਹਾਡੇ ਦਸਤਾਵੇਜ਼ਾਂ ਦਾ ਅਨੁਵਾਦ ਕਰ ਸਕਦਾ ਹੈ।

ਤੁਹਾਡੇ ਅਨੁਵਾਦਕ ਨੂੰ ਇੱਕ ਘੋਸ਼ਣਾ ਪੱਤਰ ਤੇ ਦਸਤਖਤ ਕਰਨੇ ਹੋਣਗੇ ਜੋ ਤੁਹਾਨੂੰ ਆਪਣੇ ਅਨੁਵਾਦ ਕੀਤੇ ਦਸਤਾਵੇਜ਼ਾਂ ਦੇ ਨਾਲ IRB-RPD ਨੂੰ ਭੇਜਣੇ ਹੋਣਗੇ। ਘੋਸ਼ਣਾ ਪੱਤਰ ਵਿੱਚ ਜਰੂਰ ਹੋਣਾ ਚਾਹੀਦਾ ਹੈ: 

• ਅਨੁਵਾਦਕ ਦਾ ਨਾਮ,
• ਭਾਸ਼ਾ ਅਤੇ ਬੋਲੀ (ਜੇ ਕੋਈ ਹੈ),
• ਇੱਕ ਬਿਆਨ ਕੀ ਅਨੁਵਾਦ ਸਹੀ/ਸਟੀਕ ਹੈ, ਅਤੇ,
• ਅਨੂਵਾਦਕ ਦੇ ਦਸਤਖਤ।

ਤੁਹਾਡੇ ਸਹਾਇਕ ਸਬੂਤ

ਚਾਰ ਕਿਸਮ ਦੇ ਸਬੂਤ ਹੁੰਦੇ ਨੇ ਜੋ ਤੁਹਾਡੇ ਦਾਵੇ ਦਾ ਸਮਰਥਨ ਕਰਨ ਲਈ ਤੁਸੀਂ ਇਕੱਠੇ ਕਰ ਸਕਦੇ ਹੋ

ਤੁਸੀਂ ਕੌਣ ਹੋ ਉਸ ਦਾ ਸਬੂਤ/ਗਵਾਹੀ

ਤੁਹਾਨੂੰ ਤੁਹਾਡੇ ਪਹਿਚਾਣ ਅਤੇ ਨਾਗਰਿਕਤਾ ਦੇ ਪ੍ਰਮਾਣ ਦੀ ਜ਼ਰੂਰਤ ਹੈ। ਇਹ ਹੋ ਸਕਦੇ ਨੇ:

• ਇੱਕ ਪਾਸਪੋਰਟ,
• ਰਾਸ਼ਟਰੀ ਪਛਾਣ ਕਾਰਡ/ਪੱਤਰ,
• ਜਨਮ ਪ੍ਰਮਾਣ ਪੱਤਰ,
• ਵਿਆਹ ਦਾ ਪ੍ਰਮਾਣ ਪੱਤਰ
• ਸਕੂਲ ਦੀ ਪ੍ਰਤਿਲਿਪੀ ਜਾਂ ਪ੍ਰਮਾਣ ਪੱਤਰ,
• ਡਰਾਈਵਰ ਦਾ ਲਾਈਸੈਂਸ(driver’s license),
• ਸੈਨਿਕ ਪਛਾਣ ਪੱਤਰ, ਜਾਂ
• ਪੇਸ਼ੇ ਸਬੰਧੀ ਜਾਂ ਧਾਰਮਿਕ ਸਦਸਤਾ।

ਹੋਰ ਸਬੂਤ ਵੀ ਮਦਦ ਕਰ ਸਕਦੇ ਨੇ। ਆਪਣੇ ਕਾਨੂੰਨੀ ਪ੍ਰਤਿਨਿਧੀ ਨੂੰ ਪੁੱਛੋ ਕਿ ਤੁਹਾਡੀ ਪਛਾਣ ਦਿਖਾਉਣ ਲਈ ਕਿਹੜੇ ਸਬੂਤਾਂ ਦੀ ਜ਼ਰੂਰਤ ਹੋ ਸਕਦੀ ਹੈ।

ਤੁਹਾਡੇ ਦਾਐਵ ਬਾਰੇ ਸਬੂਤ/ਗਵਾਹੀ

ਤੁਹਾਨੂੰ ਐਸੇ ਸਬੂਤਾਂ ਦੀ ਜ਼ਰੂਰਤ ਹੈ ਜੋ ਦਿਖਾ ਸਕਣ;

• ਤੁਹਾਡੀ ਕਹਾਣੀ ਅਤੇ ਤੁਹਾਡੀ ਕਥਾ ਦੇ ਵੇਰਵੇ ਵਿੱਚ ਘਟਨਾਵਾਂ ਸੱਚੀਆਂ ਹਨ
• ਤੁਸੀਂ ਸੱਚਮੁੱਚ ਆਪਣੇ ਦੇਸ਼ ਵਾਪਸ ਜਾਣ ਲਈ ਡਰਦੇ ਹੋ
• ਤੁਸੀਂ ਆਪਣੇ ਦੇਸ਼ ਵਿੱਚ ਖਤਰੇ ਵਿੱਚ ਹੋ
• ਤੁਹਾਡੀ ਸਰਕਾਰ ਤੁਹਾਡੀ ਸੁਰੱਖਿਆ ਨਹੀਂ ਕਰ ਸਕਦੀ
• ਤੁਹਾਡੇ ਲਈ ਤੁਹਾਡੇ ਦੇਸ਼ ਦੇ ਕਿਸੇ ਦੂਸਰੇ ਸ਼ਹਿਰ ਵਿੱਚ ਰਹਿਣਾ ਮੁਨਾਸਬ ਜਾਂ ਸੁਰੱਖਿਅਤ ਨਹੀਂ ਹੈ

ਤੁਹਾਡੇ ਦਾਅਵੇ ਲਈ ਸਬੂਤ ਪ੍ਰਾਪਤ ਕਰਨ ਵਿੱਚ ਮਦਦ ਕਰਨ ਲਈ ਇੱਥੇ ਕੁਝ ਸਵਾਲ ਹਨ:

• ਕੀ ਤੁਹਾਡੇ ਕੋਲ ਤਸਵੀਰਾਂ, ਪੱਤਰ, ਵੀਡੀਓ, ਈਮੇਲਾਂ, ਟੈਕਸਟ/ਲਿਖਤ ਸੰਦੇਸ਼, ਜਾਂ ਹੋਰ ਦਸਤਾਵੇਜ਼ ਹਨ ਜੋ ਤੁਹਾਡੀ ਮੁਸ਼ਕਲਾਂ ਨੂੰ ਦਰਸ਼ਾਉਂਦੇ ਹਨ?
• ਕੀ ਤੁਸੀਂ ਮਦਦ ਲਈ ਪੁਲਿਸ ਜਾਂ ਸਰਕਾਰੀ ਏਜੰਸੀ ਕੋਲ ਗਏ ਸੀ? ਪੁਲਿਸ ਰਿਪੋਰਟ/ਬਿਓਰਾ ਜਾਂ ਤੁਹਾਡੇ ਦੌਰੇ ਦੇ ਸਬੂਤ ਦੀ ਇੱਕ ਨਕਲ ਪ੍ਰਾਪਤ ਕਰੋ।
• ਕੀ ਤੁਸੀਂ ਚਿਕਿਤਸਾ ਸਹਾਇਤਾ ਲਈ? ਹਸਪਤਾਲ ਜਾਂ ਡਾਕਟਰ ਦੇ ਰਿਕਾਰਡ ਦੀ ਇੱਕ ਨਕਲ ਪ੍ਰਾਪਤ ਕਰੋ।
• ਕੀ ਤੁਹਾਡੇ ਦਾਅਵੇ ਨਾਲ ਜੁੜੇ ਲੋਕਾਂ ਜਾਂ ਘਟਨਾਵਾਂ ਬਾਰੇ ਅਖ਼ਬਾਰ ਦੇ ਲੇਖ ਜਾਂ ਆਨਲਾਈਨ ਪੋਸਟ ਹਨ?
• ਕੀ ਅਜਿਹੇ ਲੋਕ ਹਨ ਜਿਨਾਂ ਨੇ ਤੁਹਾਡੇ ਨਾਲ ਜੋ ਹੋਇਆ ਉਸ ਨੂੰ ਦੇਖਿਆ ਹੋਵੇ? ਉਹਨਾਂ ਨੂੰ ਕੀ ਹੋਇਆ ਹੈ ਉਸ ਨੂੰ ਲਿਖਣ ਲਈ ਕਹੋ ਅਤੇ ਤੁਹਾਨੂੰ ਭੇਜਣ ਲਈ ਕਹੋ। ਜੇ ਸੰਭਵ ਹੋਵੇ, ਤਾਂ ਉਹਨਾਂ ਨੂੰ ਕਹੋ ਕਿ ਇਹ ਸੱਚ ਹੈ, ਇੱਕ ਵਕੀਲ ਜਾਂ ਨੋਟਰੀ ਪਬਲਿਕ(notary public) ਦੇ ਸਾਹਮਣੇ ਕਹਿਣ। ਉਹਨਾਂ ਤੋਂ ਉਹਨਾਂ ਦੇ ਪਛਾਣ ਪੱਤਰ(ID card) ਦੀ ਇਕ ਨਕਲ ਵੀ ਮੰਗੋ।
• ਕੀ ਅਜਿਹੇ ਲੋਕ ਹਨ ਜਿਨਾਂ ਨੂੰ ਤੁਹਾਡੇ ਵਰਗੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ ਹੈ? ਉਹਨਾਂ ਨੂੰ ਇਸ ਦਾ ਲਿਖਿਤ ਵਰਨਨ ਕਰਨ ਲਈ ਕਹੋ। ਜੇ ਸੰਭਵ ਹੋਵੇ, ਤਾਂ ਉਹਨਾਂ ਨੂੰ ਕਹੋ ਕੀ ਇਹ ਸੱਚ ਹੈ, ਇੱਕ ਵਕੀਲ ਜਾਂ ਨੋਟਰੀ ਪਬਲਿਕ (notary public) ਦੇ ਸਾਹਮਣੇ ਕਹਿਣ।
• ਜੇ ਤੁਹਾਡਾ ਦਾਅਵਾ ਧਾਰਮਿਕ ਜਾਂ ਰਾਜਨੀਤਿਕ ਸਮੂਹ, ਜਾਂ ਕਿਸੇ ਹੋਰ ਸਮੂਹ ਤੇ ਅਧਾਰਿਤ ਹੈ ਜਿਸ ਦਾ ਤੁਸੀਂ ਹਿੱਸਾ ਹੋ? ਆਪਣੀ ਸਦੱਸਤਾ ਦਿਖਾਉਣ ਵਾਲੇ ਦਸਤਾਵੇਜ਼ ਪ੍ਰਾਪਤ ਕਰੋ।
• ਜੋ ਹੋਇਆ ਉਸ ਦੇ ਕਾਰਨ ਕੀ ਤੁਹਾਨੂੰ ਮਾਨਸਿਕ ਸਿਹਤ ਸਮੱਸਿਆਵਾਂ ਹਨ? ਕਨੇਡਾ ਵਿੱਚ ਕਿਸੇ ਡਾਕਟਰ, ਮਨੋਵਿਗਿਆਨਿਕ, ਜਾਂ ਸਲਾਹਕਾਰ ਤੋਂ ਰਿਪੋਰਟ ਪ੍ਰਾਪਤ ਕਰੋ। ਇਸ ਵਿੱਚ ਸਮੇਂ ਲੱਗਦਾ ਹੈ, ਇਸ ਲਈ ਜਲਦ ਤੋਂ ਜਲਦ ਇਹ ਕਰੋ।
• ਕੀ ਤੁਸੀਂ ਸੋਸ਼ਲ ਮੀਡੀਆ (social media) ਤੇ ਹੋ? ਤੁਹਾਡੀ ਕਹਾਣੀ ਬਾਰੇ ਸਿੱਧੇ ਤੌਰ ਤੇ ਕੀਤੀਆਂ ਗਈਆਂ ਕੋਈ ਵੀ ਪੋਸਟਾਂ ਦੇ ਸਕਰੀਨਸ਼ਾਟ(screenshots) ਲਓ।

ਹੋ ਸਕਦਾ ਹੈ ਕਿ ਤੁਸੀਂ ਆਪਣੇ ਮੂਲ ਦੇਸ਼ ਤੋਂ ਉਹ ਸਾਰੇ ਸਬੂਤ ਪ੍ਰਾਪਤ ਕਰਨ ਵਿੱਚ ਅਸਮਰਥ ਹੋ ਸਕਦੇ ਹੋ ਜੋ ਤੁਸੀਂ ਚਾਹੁੰਦੇ ਹੋ ਕਿਉਂਕਿ ਇਹ ਕਰਨਾ ਸੁਰੱਖਿਅਤ ਨਹੀਂ ਹੈ ਜਾਂ ਪ੍ਰਾਪਤ ਕਰਨਾ ਬਹੁਤ ਮੁਸ਼ਕਲ ਹੈ। ਸਬੂਤ ਪ੍ਰਾਪਤ ਕਰਨ ਦੀ ਪੂਰੀ ਕੋਸ਼ਿਸ਼ ਕਰੋ, ਅਤੇ ਜੇ ਤੁਹਾਨੂੰ ਪੂਰੇ ਸਬੂਤ ਨਹੀਂ ਮਿਲਦੇ ਤਾਂ IRB ਨੂ ਲਿਖਤ ਰੂਪ ਵਿੱਚ ਸਮਝਾਓ ਕਿ ਉਹ ਤੁਹਾਨੂੰ ਕਿਉਂ ਨਹੀਂ ਮਿਲੇ।

ਦੇਸ਼ ਦੀ ਸਥਿਤੀਆਂ ਬਾਰੇ ਸਬੂਤ

ਤੁਸੀਂ ਇਹੋ ਜਿਹੇ ਸਬੂਤ ਪ੍ਰਾਪਤ ਕਰ ਸਕਦੇ ਹੋ ਜੋ ਤੁਹਾਡੇ ਦੇਸ਼ ਦੀ ਸਤਿਥੀਆਂ ਨੂੰ ਦਰਸ਼ਾਉਂਦਾ ਹੈ ਅਤੇ ਤੁਹਾਡੇ ਦਾਵੇ ਨਾਲ ਕਿਵੇਂ ਸੰਬੰਧਿਤ ਹੈ। ਇਸ ਵਿੱਚ ਤੁਹਾਡੇ ਦੇਸ਼ ਦੀਆਂ ਰਾਜਨੀਤਿਕ, ਸਮਾਜਿਕ, ਸੰਸਕ੍ਰਿਤਿਕ, ਆਰਥਿਕ ਅਤੇ ਮਾਨਵ ਅਧਿਕਾਰੀ ਸਥਿਤੀ ਦੇ ਬਾਰੇ ਭਰੋਸੇਯੋਗ ਰਿਪੋਰਟ ਸ਼ਾਮਿਲ ਹਨ।

IRB-RPD ਦੁਨੀਆ ਭਰ ਦੇ ਦੇਸ਼ਾਂ ਦੀ ਸਥਿਤੀਆਂ ਬਾਰੇ ਇੱਕ ਜਨਤਕ ਦਸਤਾਵੇਜ਼, ਰਾਸ਼ਟਰੀ ਦਸਤਾਵੇਜ਼ ਪੈਕੇਜ(NDPs) ਵਿਚ ਰੱਖਦਾ ਹੈ।

ਜਾਗਰੂਕ ਰਹੋ! NDP ਦੇ ਵਿਚ ਕੁਝ ਦਸਤਾਵੇਜ਼ ਪੁਰਾਣੇ ਹੋ ਸਕਦੇ ਨੇ। ਤੁਹਾਡੇ ਦੇਸ਼ ਦੇ ਹਾਲਾਤ ਬਦਲ ਗਏ ਹੋ ਸਕਦੇ ਨੇ ਜਾਂ ਜਿਸ ਦਾ ਤੁਸੀਂ ਸਾਹਮਣਾ ਕੀਤਾ ਹੈ ਉਸ ਦਾ ਵੇਰਵਾ NDP ਵਿਚ ਮੌਜੂਦ ਨਹੀਂ ਹੈ। ਇਹ ਦੇਖਣ ਲਈ ਆਪਣੇ ਕਾਨੂੰਨੀ ਪ੍ਰਤਿਨਿਧੀ ਨਾਲ ਗੱਲ ਕਰੋ ਕਿ ਕਿਹੜੀ ਨਵੀਂ ਜਾਣਕਾਰੀ ਤੁਹਾਡੇ ਦਾਅਵੇ ਵਿੱਚ ਮਦਦ ਕਰ ਸਕਦੀ ਹੈ।

ਉਦਾਹਰਨ ਲਈ, ਤੁਸੀਂ ਭੇਜ ਸਕਦੇ ਹੋ:

• ਵਰਤਮਾਨ ਸਮਾਚਾਰ ਲੇਖ ਜਾਂ ਵੀਡੀਓ,
• ਵਿਸ਼ੇਸ਼ਗਿਆਨ ਗਵਾਹਾਂ ਦੇ ਬਿਆਨ,
• ਅਕਾਦਮਿਕ ਲੇਖ, ਜਾਂ
• ਮਾਨਵ ਅਧਿਕਾਰ ਰਿਪੋਰਟ।

ਆਪਣੇ ਦੇਸ਼ ਦੇ ਰਾਸ਼ਟਰੀ ਦਸਤਾਵੇਜ਼ ਪੈਕੇਜ(NDP) ਦੇਖੋ।

ਗਵਾਹਾਂ ਦੇ ਸਬੂਤ

ਤੁਸੀਂ ਆਪਣੇ ਦਾਅਵੇ ਬਾਰੇ ਬੋਲਣ ਲਈ ਆਪਣੀ ਸੁਣਵਾਈ ਵਿੱਚ ਗਵਾਹ ਰੱਖ ਸਕਦੇ ਹੋ। ਗਵਾਹ ਉਹ ਵਿਅਕਤੀ ਹੈ ਜਿਸ ਦੇ ਕੋਲ ਤੁਹਾਡੇ ਅਤੇ ਤੁਹਾਡੇ ਦਾਅਵੇ ਬਾਰੇ ਮਹੱਤਵਪੂਰਨ ਜਾਣਕਾਰੀ ਹੁੰਦੀ ਹੈ। ਤੁਹਾਡੀ ਸੁਣਵਾਈ ਦੇ ਦੌਰਾਨ, ਗਵਾਹ ਤੁਹਾਡੇ ਵਕੀਲ ਅਤੇ ਸਦੱਸ ਦੋਨਾਂ ਦੇ ਸਵਾਲਾਂ ਦਾ ਜਵਾਬ ਦੇਵੇਗਾ। ਗਵਾਹ ਸੁਣਵਾਈ ਵਿਚ ਤੁਸੀਂ ਜੋ ਕਹਿੰਦੇ ਹੋ ਉਹ ਨਹੀਂ ਸੁਣ ਸਕਦੇ ਹਨ ਅਤੇ ਤੁਸੀਂ ਬਰੇਕ/ਵਿਸ਼ਰਾਮ ਦੇ ਦੌਰਾਨ ਉਹਨਾਂ ਨਾਲ ਗੱਲ ਨਹੀਂ ਕਰ ਸਕਦੇ ਹੋ। ਕਈ ਵਾਰੀ ਸਦੱਸ ਨੂੰ ਤੁਹਾਡੇ ਗਵਾਹਾਂ ਨੂੰ ਬੋਲਣ ਲਈ ਨਹੀਂ ਪੁੱਛਣਾ ਪੈਂਦਾ।

ਜੇਕਰ ਤੁਹਾਡੇ ਕੋਲ ਗਵਾਹ ਹੈ, ਤਾਂ ਆਪਣੀ ਸੁਣਵਾਈ ਦੀ ਤਾਰੀਖ ਤੋਂ ਘੱਟ ਤੋਂ ਘੱਟ 10 ਦਿਨ ਪਹਿਲਾਂ IRB-RPD ਨੂੰ ਲਿਖਤ ਰੂਪ ਵਿੱਚ ਹੇਠ ਲਿਖੀ ਜਾਣਕਾਰੀ ਦਓ :

• ਉਹਨਾਂ ਦੀ ਸੰਪਰਕ ਜਾਣਕਾਰੀ(ਪਤਾ, ਟੈਲੀਫੋਨ ਨੰਬਰ ਅਤੇ ਫੈਕਸ ਨੰਬਰ)
• ਉਹ ਕਿਉ ਬੋਲ ਰਹੇ ਹਨ, ਉਸ ਬਾਰੇ ਇਕ ਛੋਟਾ ਬਿਆਨ
• ਤੁਹਾਡੇ ਹਿਸਾਬ ਨਾਲ ਉਹ ਕਿੰਨੀ ਦੇਰ ਤੱਕ ਬੋਲਣਗੇ
• ਉਹਨਾਂ ਨਾਲ ਤੁਹਾਡਾ ਰਿਸ਼ਤਾ
• ਕੀ ਉਹ ਵਿਅਕਤੀਗਤ ਰੂਪ ਵਿੱਚ, ਵੀਡੀਓ ਕਾਨਫਰੰਸ ਰਾਹੀਂ(videoconference), ਜਾਂ ਫਿਰ ਟੈਲੀਫੋਨ(telephone) ਰਾਹੀਂ ਗੱਲ ਕਰਨਗੇ
• ਕੀ ਉਹਨਾਂ ਨੂੰ ਇੱਕ ਅਨੁਵਾਦਕ ਦੀ ਜਰੂਰਤ ਹੈ, ਤੇ ਉਹਨਾਂ ਦੀ ਭਾਸ਼ਾ ਅਤੇ ਬੋਲੀ
• ਜੇਕਰ ਗਵਾਹ ਇਕ ਵਿਸ਼ੇਸ਼ਗਿਆਨ ਹੈ, ਤਾਂ ਉਹਨਾਂ ਦੀ ਯੋਗਤਾ ਬਾਰੇ ਜਾਣਕਾਰੀ, ਅਤੇ ਉਹ ਕੀ ਕਹਿਣਗੇ ਉਸ ਬਾਰੇ ਉਹਨਾਂ ਦੁਆਰਾ ਦਸਤਖਤ ਕੀਤਾ ਇੱਕ ਛੋਟਾ ਬਿਆਨ।