Chwazi yon reprezantan legal trè zenpòtan. Aprann kijan reprezantan legal ou ta dwe travay ak ou, sa yo pa dwe fè, ak wòl ou. Dekouvri sa pou fè si ou panse reprezantan ou a pap fè yon bon travay.
Wòl yon reprezantan legal
Reprezantan legal a dwe:
- Fikse yon dat pou rankontre ou sou demann ou a, kote yo:
- Pale w de eksperyans legal yo
- Mande w enfòmasyon sou demann ou epi koute istwa ou
- Eksplike w lwa ou bezwen konnen
- Diw ki opsyon ou genyen
- Di w konbyen tan pwosesis la ap pran
- Eksplike pwochen etap yo
- Eksplike kijan nou pral rete an kontak youn ak lòt
- Li ak reponn mesaj telefòn oswa imel ou yo
- Reponn kesyon legal ou yo
- Di w ki prèv ou bezwen pou demann ou a.
- Revize prèv ou yo epi voye yo bay IRB-RPD
- Rankontre avè w pou prepare ou pou odyans ou
- Prepare nenpòt temwen pou odyans ou a
- Montre ke yo pare pou odyans ou a
- Jwenn yon entèprèt pou reyinyon ak pou odyans ou, si sa nesesè
- Fè ou konnen si yo fè yon erè
- Koute ide w yo epi w swiv enstriksyon ou yo (oswa si yo pa dakò, eksplike pou kisa).
- Vini nan odyans refijye ou a òganize epi prepare
Wòl pa an tan ke klyan
Menm si ou gen yon reprezantan legal, sa se demann PA W li ye. Wòl ou kòm kliyan se:
- Bay reprezantan legal ou nenpòt prèv ak dokiman yo mande pou yo ak nenpòt nouvo enfòmasyon ou genyen. Pa voye anyen bay IRB-RPD san ou pa pale avèk yo an premye.
- Pataje nenpòt nouvèl enpòtan sou peyi ou avèk yo.
- Li ak reponn mesaj telefòn oswa imel yo.
- Li dokiman oswa enfòmasyon yo ba ou.
- Pataje avèk yo nenpòt dokiman oswa lèt ou resevwa soti nan IRCC, CBSA, oswa IRB-RPD.
- Asire w yo konnen enfòmasyon kontak ou aktyèl ak kote yo ka kite mesaj pou ou.
- Mande èd lè w bezwen
- Pale sou nenpòt dezakò ou genyen.
- Ou dwe onèt pou yo ka ede w nan pi bon fason.
- Kenbe dokiman ou òganize epi pran nòt de nenpòt travay yo mande w fè
- Rive alè pou nenpòt randevou ak odyans.
Sa reprezantan legal ou a pa dwe fè
Reprezantan legal ou pa dwe:
- Sispann kontakte ou
- Voye yon fòmilè san non yo sou li kòm reprezantan ou
- Di w pou w fè manti oswa retire enfòmasyon sou nenpòt dokiman
- Sigjere w itilize fo dokiman oswa fo prèv
- Mande w siyen yon fòm vid oswa ki pa konplè
- Refize eksplike w sa y ap fè, reponn kesyon w, oswa ba w kopi dokiman ak fòm ou yo.
- Refize fè sa ou mande san yon bon rezon
- Aji de fason enprofesyonèl (pa egzanp, fè kòlè oswa imilye ou)
- Pwomèt ke ou pral reyisi nan reklamasyon refijye ou. Se sèlman IRB-RPD ki deside si ou ka rete Kanada. Fè atansyon si yo diw yo “konnen yon moun” nan IRSK, KIER-SPD, oswa nan anbasad Kanadyen an.
Dout sou reprezantan legal ou a
Ou ka enkyete si reprezantan legal ou a pap fè travay li byen. Si ou kapab, eseye pale avèk yo pou rezoud pwoblèm nan. Si sa pa ede:
- Si ou gen yon avoka asistans legal, kontakte biwo asistans legal lokal ou. Pafwa ou ka chanje avoka asistans legal ou si ou gen yon bon rezon. Si asistans legal pèmèt ou fè chanjman, ou dwe enfòme avoka ou a pa ekri, epi yo pral bay nouvo avoka a dokiman ou yo.
- Si reprezantan ou an travay nan yon konpayi, mande sipèvizèl pou ede w.
- Kontakte òganizasyon pwofesyonèl reprezantan ou a pou jwenn èd.